Sápmi |

Áhppesluobbala ávdinstobu muorrasuodji boldojuvvon

Anáris Bátneduoddaris Áhppesluobbala ávdinstobu muorrasuodji boaldinmuoraiguin lea buollan.

retkikartta.fi
Áhppesluobbala ávdinstohpu Govva: Kuvakaappaus Retkikartta.fi

Anáris Bátneduoddara meahcceguovllu Áhppesluobbala ávdinstobu muorrasuodji boaldinmuoraiguin lea cahkkehuvvon buollit.

Ávdinstohpu lea Bátneduoddara meahcceguovllus, sullii 1,3 kilomehtera Bátnejávrris oarjelulás, Bajimus Áhppesluobbala oarjedavábealde.

Jus lea oaidnán juoidá, boles bivdá almmuhit das Avvila bolesii. Boles lea earenoamaš beroštuvvan mohtorgielkávuoddjis, gii lea johtán guovllus 3.-6. geassemánu áigge. Báikkit, gos gielká sáhttá leat vuolgán dahje gosa dat lea boahtan leat Solojávrris, Hirvaspääs (Anára-Gihttela-geainnus) dahje Guhtturis.

Olbmuin, geain lea diehtu buollimis, sávvet váldit oktavuođa Avvila bolesii nummirii 040 5417 864.

Báiki Retkikartta.fi -bálvalusas

Varrasamosat: Sápmi

Váldoođđasat

Bivnnuhamosat

Varrasamosat

Muualla Yle.fi:ssä