Sápmi |

AHR: Sámedikki válgalogahallamis sihkkojuvvon olbmot galget máhcahuvvot logahallamii

Alimus hálddahusriekti lea addán čovdosa váidagiidda, mat gusket sámedikki válgalávdegotti mearrádusaid sihkkut olbmuid eret válgalogahallamis.

Sámediggi, Saamelaiskäräjät
Sámedikki dievasčoahkkin 19.02.2019 Anáris. Govva: Vesa Toppari / Yle

Alimus hálddahusriekti lea odne addán čovdosiid váidagiidda, mat guske sámedikki válgalávdegotti mearrádusaid sihkkut iešnjulgemiin olbmuid sámedikki válgalogahallamis.

AHR lea cealkán, ahte sámedikki válgalávdegotti iešnjulgenmearrádusat eai leat ollašuhttimis, daningo dain ii leat lága fápmu. Mearrádusat dárkkuhit dan, ahte válgalogahallamis iešnjulgenmearrádusaiguin sihkkojuvvon olbmot galget máhcahuvvot logahallamii.

Iešnjulgemiin ii sáhte mannat duopmostuolu mearrádusa meaddel

Válgalávdegoddi lea ákkastallan olbmuid sihkkuma válgalogahallamis nu gohčoduvvon iešnjulgemiin. AHR mielde válgalávdegoddi sáhttá geavahit iešnjulgema, juos olmmoš lea guđđojuvvon vuoigatvuođa haga eret dahje lea vuoigatvuođa haga merkejuvvon válgalogahallamii.

– Olbmuid válgalogahallamii merkema lágalašvuohta lea jagiid 2011 ja 2015 čovdojuvvon alimus hálddahusrievttis. Alimus hálddahusrievtti čovdosa mielde duopmostuolu mearrádusa ii sáhte mannat meaddel iešnjulgemiin.

Válgalávdegotti mearrádusas ii leat gažaldat teknihkalašlundosaš ja čalmmus meattáhusas, man sámediggelága mielde lea vejolaš divvut iešnjulgemiin.

– Válgalávdegotti mearrádus ferte gomihuvvot ja sihkkojuvvot, alimus hálddahusrievtti čovdosis celkojuvvo.

Dát dárkkuha, ahte alimus hálddahusrievtti válgalogahallamii lasihan olbmuid ii livčče lága mielde ožžon sihkkut eret válgalogahallamis.

Varrasamosat: Sápmi

Váldoođđasat

Varrasamosat

Muualla Yle.fi:ssä