Sápmi |

Ailu Valle lei lávddi alde Tallinnas Suopma 100 -doaluin – Geahččit duháhiid mielde

Ailu Valle loaiddastii lávvordaga Tallinnas, Estlánddas “Soome100” nappo Suopma 100 -konsearttas.

Jietna: ailu valle tallinn suomi100
Jietna
Ailu Valle jearahallan álgá áiggis 00.07.35

Ailu Valle loaiddastii lávvordaga Tallinnas, Estlánddas “Soome100” nappo Suopma 100 -konsearttas.

Su lassin báikki alde stuorra toarggas ledje ovdanbuktimen ovdamearkka dihte Saara Aalto, Petri Laaksonen, Ailu Valleinge ovttasbarggu bargan Paleface ja Scandinavian Music Group.

Vásáhus lei Vallei somá, eandalit go reaisu Estlánddii  lei sutnje vuosttaš goassege.

ailu valle tallinn mari kalkun suomi100
Ailu Valle ja Mari Kalkun Govva: Yle

– Dat lei hui somás vásáhus gal, beaivváš báittii.

Geahččit duháhiid mielde

Stuorra lávddis artisttat čuojahedje oktiibuot 31 bihtá prográmma.  Valle oassi prográmmas lei stuorit, go álggus lei dárkkuhus. Son ovdanbuvttii ovdamearkka dihte iežas “Sáhtán ja máhtán” -bihtá ja “Rahu laul” (Ráfi lávlla) ovttas Mari Kalkuniin.

– Dasa lassin mun sáhtán dadjat mun lean leamašan seamma lávddi alde maiddái Juha Sipiläin, reaška Valle.

ailu valle tallinn suomi100 mari kalkun
Ailu Valle ja Mari Kalkun Suomi100 -dáhpáhusas Tallinnas. Govva: Yle

Valle lohká báiki lei dievva ja dan ektui leige hirbmat somá ovdanbuktit. Son ii leat goit aivve sihkkar, man olu geahččit ledje báikki alde.

– Olbmot ledje gávdnan dohko bures. Duháhiid mielde.

Loahpas buot artisttat čoahkkanedje lávddi ala lávlut ovttas Suoma nášuvnnalávlaga. Dat ii goit ožžon gatnjaliid Valle čalmmiide – eará ášši livčče, jus Sámi soga lávlla livčče gullon.

Valle lei mielde Dearvva! -sáddagis vuossárgga 12.6.

Varrasamosat: Sápmi

Váldoođđasat

Bivnnuhamosat

Varrasamosat

Muualla Yle.fi:ssä