Sápmi |

Alimus hálddahusriekti lea hilgon Sámedikki ja Giehtaruohttasa bálgosa váidaga Leahttáseanu málbmaohcanlobis

AHR lei mieđihan Sámediggái ja bálgosii váidinlobi dan oasil, go gažaldat lei Dorvvolašvuođa- ja kemikáladoaimmahaga (Tukes) meannudeamis lohpeohcamis.

Suvantokohta joessa, rannoilla saraikkoa ja pajukkoa
Tukes mieđihii Geologiija dutkanguovddážii málbmaohcanlobi Leahttáseanu guvlui jagis 2016. Govva: Sara Wesslin / Yle

Alimus hálddahusriekti lea hilgon Sámedikki, Giehtaruohttasa bálgosa ja dan áššeguoimmi (su. asiakumppani) váidaga Eanodaga Leahttáseanu málbmaohcanáššis. Ášši guoská hálddahusrievtti mearrádusa doarjut Dorvvolašvuođa- ja kemikáladoaimmahaga (Tukes) addin málbmaohcanlobi Geologiija dutkanguovddážii (GTK) Leahttáseanu guovlluide.

Sámediggi, Giehtaruohttasa bálggus ja Suoma luonddusuodjalanlihtu Lappi bire ledje váidán málbmaohcanlobis Alimus hálddahusriektái (AHR), mii dál hilggui váidaga.

Áššis lea čállán earret eará Lapin Kansa. Ikte mánnodaga almmustahtton jahkegirjemearrádus gávdno Alimus hálddahusrievtti neahttasiiddus.

AHR lei mieđihan Sámediggái ja bálgosii váidinlobi dan oasil, go gažaldat lei dorvvolašvuođa- ja kemikáladoaimmahaga meannudeamis lohpeohcamis ja namalassii das, mo málbmaohcan váikkuha sápmelaččaid rivttiide eamiálbmogin ja boazodollui.

AHR dutkkai ášši, hilggui váidagiid ja mearridii, ahte hálddahusrievtti mearrádus doallá. AHR hilggui maiddái gáibádusaid diggegoluid buhtadeamis.

Yle Ođđasiid Sámis ja Beaivvi ságaid sáhtát maid guldalit Yle Areenas.

Varrasamosat: Sápmi

Váldoođđasat

Varrasamosat

Muualla Yle.fi:ssä