Sápmi |

Almmái jámii gielkálihkuhisvuođas Anáris

Lihkohisvuohta dáhpáhuvai maŋŋebárgga Anára Kuávžurjävris.

Yksityiskohta poliisin sinisessä virkapuvussa.
Boles joatká dáhpáhusa dutkama jápminsiva dutkamiin, iige dieđit áššis eanet. Govva: Silja Viitala / Yle

Gaskaahkásaš almmái jámii mohtorgielkálihkohisvuođas maŋŋebárgga 13.4.2021 veaigin Anára Kuávžurjävris.

Máŋgga olbmo joavku lei leamaš mohtorgielkkáiguin jođus ja guolásteamen Kuávžurjävris, dieđiha Boles.

Dieđáhusa mielde joavku lei doallan bottuid jávrri unna sullos. Okta joavkku olbmuin lei vuodján mohtorgielkkáin guolástanbáikkis sullo guvlui ja bártidan čielgasit garra leavttuin gáddái, go gielká gopmánii ja vuoddji gahčai das vulos. Almmái jámii lihkohisvuođabáikkis bártideamis šaddan váttuide.

Boles muittuha dieđáhusastis, ahte dálá mohtorgielkkát leat hui fámolaččát. Dalle stuorra leavttuin gielkká hálddašeapmi ja vuodjinguovllu jođánis molsun lea hui hástaleaddji.

Boles joatká dáhpáhusa dutkama jápminsiva dutkamiin, iige dieđit áššis eanet.

Varrasamosat: Sápmi

Váldoođđasat

Varrasamosat

Muualla Yle.fi:ssä