Säämi |

Amocist uđđâ digisingle

Onne almostuvá Amoc uđđâ digisingle “Kuobârpoolvâ maŋa”, mon sun lii ráhtâm oovtâst Sofia Jannokijn já Nijlâs Holmbergijn. Uđđâ single maainâst ääigist aatoompoomi maŋa.

Amoc ađai Mikkâl Morottaja uđđa pittá “Kuobârpoolvâ maŋa” muštal ááigist stuorrâ nubástus maŋa.
Govva: Pressikove Tarmo Lehtosalo

Vastuppeeivi, juovlâmáánu 16. peivi almostuvá Amocist uđđâ digisingle “Kuobârpoolvâ maŋa”. Pittáást lávluv meiddei pegâlmâs sämiartisteh Sofia Jannok já Nijlâs Holmberg, kii lii čáállâm uási saanijn.

Ruttâ ij lah tehâlumos

Uđđâ single maainâst ääigist aatoompoomi maŋa. Aatoompommi lii meiddei metafora ulmuu uáivi siste leijee tábáhtussáid, muštâl Mikkâl Morottaja, ađai Amoc.

Digisigle almostuvá internet muusikpalvâlusâin, Spotifyst já iTunesist. Pittá lii kuhesáigásâš proojeekt, já muusikvideo toos lii vuávámnáál. Amoc haalijd pieijâđ muusikvideoid neetin, kost ulmuuh pyehtih nuuvtâ kuldâliđ já keččâđ taid, tanen ko ruttâ ij lah sunjin tehálumos äšši muusik rähtimist.

“Halijdâm-uvks mun et ulmuuh kuldâleh taam”

“Kuobârpoolvâ maŋa” čuojâi vuosmuu keerdi radiost tuorâstuv Buorre iđit Sápmi -vuolgâttâsâst já ehidispeeivi Amoc lâi meiddei kyessin muštâlmin pittáást Sukkâršokki-vuolgâttâsâst.

Amoc lii oovtâst Jannokijn já Holmbergijn oovdânpuáhtâm pitá 2016 Ijâttes iijâst. Sun ij vala tieđe, puátá-uv taat pittá suu uđđâ skiärun, mon sun lii rähtimin. Puoh pitáh maid sun lii ráhtâm, iä almostuu veldithánnáá kuássin albumijn.

– Talle ko mun rááhtám muusik, te mun jiem haalijd ete mihheen vaikuttiččij toos maid mun čálám já magarijd pitáid já muusik mun rááhtám. Talle jis mun áálgám smiettâđ ete jiem mun tieđe, te talle lii miinii feeilâd šoddâm kal, Morottaja muštâl.

Sukkâršokki puátá uđđâsist vástuppeeivi ehidist tijme 17.30-20.00. Toos lasseen vuolgâttâs puáhtá kuldâliđ Yle Areenast.

Varrasamosat: Säämi

Váldoođđasat

Varrasamosat

Muualla Yle.fi:ssä