Sápmi |

Anára Akujávrri viessobuollimis jápme áhčči ja gánda – nubbi bážii iežas

Bolesis muitalit, ahte dáhpáhusa dutkan leamaš váttis, daningo ássanviessu bulii gutnan.

Akujärvi, Áhujävri Inari Anár
Akujávrri (anárašg. Áhujävri) gilis Avvila nuorttabealde dáhpáhuvai mannan vahkus viessobuollin, mas jápme guokte olbmo. Govva: Yle Sápmi

Boles lea ožžon lasi dieđuid mannan vahkus Akujávrri (anárašg. Áhujävri) gilis Avvila nuorttabealde dáhpáhuvvan viessobuollimis.

Boles oaččui buollimis almmuhusa mannan gaskavahku ja duorastaga gaskasaš ija. Buollimis almmuhii heahteguovddážii olmmoš, guhte lei deaivan johtit dálu meattá. Báikkis gávdnojedje guovtti olbmo liikkat. Vuosttas liika gávdnui duorastatija šiljus ja nubbi čuovvovaš eahketbeaivve dálu siste.

Bolesis muitalit dál, ahte dálu siste jápmán gávdnon olmmoš lei sullii 70-jahkásaš almmáiolmmoš, guhte lei nubbi dálu oamasteaddjiin. Šiljus fas gávdnui jápmán 35-jahkásaš almmáiolmmoš, guhte lei su gánda. Son lei báhčán iežas.

Boles atná vejolažžan, ahte dállu cahkkehuvvui iešdáhtos. Dáhpáhusa dutkan leamaš váttis, daningo stohpu bulii gutnan. Boles ii dán dilis navdde eará olbmuid laktásit dáhpáhussii.

Boles dutká ain ášši.

Varrasamosat: Sápmi

Váldoođđasat

Varrasamosat

Muualla Yle.fi:ssä