Sápmi |

Anára gieldda čuvgehusdoaimmahoavda Irja Seppänen lea cealkán iežas eret

Čuvgehusdoaimmahoavda Irja Seppänen čállá eretcealkin breavastis, ahte su, čuvgehusdoaimmahoavdda dihte Anára skuvla bargit leat áŧestuvvan ja baluid siste sin barggus ja bargit leat leamašan olu eret su doaimmaid geažil. Dáid sivaid geažil son eretcealká iežas Anára gieldda čuvgehusdoaimmahoavdda virggis.

Irja Seppänen
Govva: Ritva Torikka / Yle

Anára skuvla 10 sámegielat oahpahusa oahpaheaddji guoddaledje Lappi guovlohálddašandoaimmahahkii juovlamánus 2016 čuvgehusdoaimmahoavda Irja Seppänenis.

Irja Seppänen čállá eretcealkin breavastis, ahte su, čuvgehusdoaimmahoavdda dihte Anára skuvla bargit leat áŧestuvvan ja baluid siste sin barggus ja bargit leat leamašan olu eret su doaimmaid geažil ja sis lea váilun bargomokta ja leat dovdan iežaset váiban.

Seppänen joatká breavastis, ahte guoddaleami dahkan sámegielat oahpahusa oahpaheaddjit vásihit, ahte čuvgehusdoaimmahoavdda pedagogalaš linjemat leat dagahan dili, mas oahpaheaddjit eai beasa dohkálaččat ollašuhttit vuođđobarggus.

Seppänen čállá, ahte dáid sivaid geažil son eretcealká iežas Anára gieldda čuvgehusdoaimmahoavdda virggis.

Gielddahoavda: Sávan, ahte beassat čakčat máhccat normála dillái

Anára gielddahoavda Toni K. Laine dadjá, ahte čuvgehusdoaimmahoavda eretcealkin lea su persovnnalaš mearrádus.

– Lea šállošahtti, ahte Seppänen celkkii iežas eret. Dat lea su persovnnalaš mearrádus, muitala Anára gielddahoavda Toni K. Laine.

– Eretcealkinbreavas lea su iežas oaidnu guoddaleamis. Anára gielda lea gieđahallan guoddalusa ášši mielde. Mun sávan, ahte mii sáhttit čakčat máhccat normála dillái ja oažžut ođđa čuvgehusdoaimmajođiheaddji virgái, dadjá Laine.

Čuvgehusdoaimmahoavda Irja Seppänena maŋimus bargobeaivi lea 31.7.2017. Anára váldostivra gieđahallá ášši geassemánu 15. beaivve.

Varrasamosat: Sápmi

Váldoođđasat

Bivnnuhamosat

Varrasamosat

Muualla Yle.fi:ssä