Sápmi |

Anára ja Avvila guvlui áigot geassegoahtit johtilis neahttaoktavuođaid – gielda lea diŋgon jo ráidodáluide čuovgakabeloktavuođaid

Čuovgakabeloktavuođain dollet dieđihandilálašvuođaid maŋŋebárgga Avvilis ja gaskavahku Anáris.

Raippaluodossa johtokeloja rannalla. Siellä kaivetaan maan alle sähköverkot ja valokuituverkot.
Anára gielda lea jo diŋgon čuovgakabeloktavuođa sullii 300 láigovistái. Govva: Elina Niemistö / Yle

Johtilis čuovgakabeloktavuođaid áigot huksegoahtit Anára ja Avvila guovlluide. Valokuitunen oasusfitnodat áigu investeret čuovgakabeloktavuođaid huksemii. Fitnodat lea álggaheamen Anáris kampanja diŋgojeaddjiid skáhppomii Avvila guovllus.

– Mii leat vuolgán deike dakkár hattiin, ahte bastit sihkkarit ordnet daid oktavuođaid olbmuide. Muhto jos oažžut doarvái olu diŋgojeaddjiid, de bastit vel vuolidit hatti, dadjá beaivválaš jođiheaddji Heikki Kaunisto.

Anára gielda lea jo diŋgon čuovgakabeloktavuođa sullii 300 láigovistái. Gielddahoavda Toni K. Laine mielas lea dehálaš oažžut johtilis neahttaoktavuođaid gildii.

– Midjiide bohtet olles áigge máhcahat heajos tv-bálvalusain, vaikko dat ii gulage gildii, unnán kanálat ja turistasesoŋŋa áigge mobiilaoktavuođat njohcot. Jáhkán, ahte jus gieldalaččat diŋgojit čuovgakabeloktavuođaid, de dát áššit buorránit boahtteáiggis, muitala Laine.

Čuovgakabeloktavuođaid álget geassit boahtte giđa ja dallege geargá vel fárrui, lohpida Kaunisto.

Čuovgakabeloktavuođain Anára gielddas dollet dieđihandilálašvuođa Avvilis gielddadálu váldostivrasáles maŋŋebárgga 16.11.2021 diibmu 18.00 - 19.30 ja gaskavahku 17.11.2021 klo 18.00 - 19.30 Anáris Sámekulturguovddáš Sajosis.

Yle Ođđasiid Sámis ja Beaivvi ságaid sáhtát maid guldalit Yle Areenas.

Varrasamosat: Sápmi

Váldoođđasat

Varrasamosat

Muualla Yle.fi:ssä