Säämi |

Anarâš sárnumjuávkku aalgij vuot puudâ maŋa – stuorrâ merhâšume Ucjuuvâ anarâšáid

Sárnumeehid uárnejeijee tuáivu, et teivâdmeh olášuuččij jyehi máánust. Májemuu teivâdmist lii jo ihepeeli.

Video: Ellen Järvensivu Ucjuuvâ anarâšehidist.
Video
Video lii toimâttâm Anja Kaarret. Kuvvim já čuoppâm Vesa Toppari. Videost lii mieldi Ellen Järvensivu já Veikko Holmberg Video: Yle Areena: Kove Vesa Toppari / Yle

Ucjuuvâst lii álgám vuot anarâškielâ sárnumjuávkku. Juávkku čokkânij uccâjuovlâid skammâmáánu 27. peeivi Rástigáisa-pubist. Teivâdmeh láá uáivildum puohâid anarâškielâlijd.

Majemustáá anarâš sárnumjuávkku čokkânij kiđđuv. Ucjuovlâin meridij, et täst ovdâskulij juávkku čokkân jyehi mánuppaje nube koskoho tijme 18 Áilegas-táálust Ucjuuvâst.

"Stuorrâ merhâšume"

Teivâdmist smiettii ovdâmerkkân maht saanijd puáhtá sujâttiđ olmânáál já mii lii anarâškielân "leninki".

Ucjuvlâš Ellen Järvensivun teivâdmáin lii stuorrâ merhâšume. Ucjuuvâst ij piäiválávt peesâ sárnuđ anarâškielân, te jyehi teivâdem puáhtá ilo.

– Tot kal puáhtá. Uážuččijm vala täävjib čokkâniđ. Kalga uáiniđ maht ovdâskulij, hundáruš Järvensivu.

Ucjuuvâ anarâšehidist uárnejee Veikko Holmberg.
Ucjuuvâ anarâšeehid uárnejee Veikko Holmberg. Govva: Vesa Toppari / Yle

"Ij tađe eenâb, ko sárnup"

Tilálâšvuođâ uárnejee Veikko Holmberg muštâl, et teivâdmii ulmen lii čokkâniđ oohtân já savâstâllâđ.

– Mii puáttip oovtâ sajan já sárnup, ij tađe eenâb, iätá Holmberg.

– Sárnup veikkâ maid. Puoh mii tábáhtuvá já kii lii kiän hyelkki já nuuvt.

Varrasamosat: Säämi

Váldoođđasat

Varrasamosat