Koe uusi yle.fi
Säämi |

Anarâškielâ seervist pyeri, mut vaigâdis ihe 2017

Servi stuárráámus tábáhtusah lijjii moonnâm ive lijjii ruuđâ uážžum mediapargee pálkkáátmân, kuhes áigásâš Anarâš-loostâ toimâtteijee Mattus Ilmar pääccim ive loopâs iäláttâsân loostâ toimâttem pargoost já ájánâm kielâpiervâl ruttâ savâstâlmeh.

Jietna: Anarâškielâ seervi saavâjođetteijee Marja Liisa Olthuis
Jietna

Anarâškielâ seervi 31 ihe lâi nubástusâi ihe. Stuárráámus nubástus lii Anarâšlostâ. Vuolli Ilmar, Ilmari Mattus, lii toimâttâm loostâ 30 ihheed já tääl ive loopâs paasij iäláttâhân.

– Uđđâ alga lii vala uv suovâ tyehin, maht taat ihe loopâ räi maanâ, smiättá seervi saavâjođetteijee Marja Liisa Olthuis.

Ruuđâi usâmist ennuv pargo

Ruttâ ucâmušah láá porgâttâm ennuv pargo siärván. Ruttâ lii puáttám, mut ij kuittâg lah puáttám nuuvt ennuv ko láá uuccâm. Kirje toimâ lii lam käržis. Servi poostij almostittiđ tuše oovtâ kirje ive 2017, Tonttu Šievtátulii juovlâkalender.

Kielâpiervâlij ruttâ aašijn pessii savâstâllâđ iäskán juovlâmáánust, ko táválávt savâstâlmeh láá álgám roovvâdmáánust. Ohtân suijân ááijánmân lâi kielâpiervâlij levânem. Ráđádâlmeh láá vala uv koskân. Anarâškielâ eenikielâlii peivitipšost savâstâllii meid ennuv moonnâm ive.

–Servi ij ornii taan ive eenikielâlii peivitipšo, tot lii kieldâ äšši, iätá Olthuis.

Anarâškielâ seervi saavâjođetteijee juátká ruttâ asâmušâi toohâm já osko et ruttâ puátá já servi pasta meid ive 2018 toimâđ. Tuáivu et kielâpiervâleh pyehtih juátkiđ tooimâs, kuittâg nuuvt, et tooimâ ij taarbâš käržidiđ já et media pargee pasta pálkkááttiđ ubâ ihán. Seervist lekkâsii aaibâs juovlâi vyelni seervi netti-siijđoh.

Anarâškielâ servi tuálá ihečuákkim kiđđuv. Jyehi ive väljejeh uđđâ stiivrâ.

Varrasamosat: Säämi

Váldoođđasat

Bivnnuhamosat

Varrasamosat

Muualla Yle.fi:ssä