Säämi |

Anarâšnieidâ vuolgij ihán suátiviehân – "Nisoneh meid mättih"

Aanaarlâš Saara Seipiharju lii ohtâ toin nieidâin, kiäh algâttii suátivievâ syeinimáánust.

Saara Seipiharju
Govva: Priváhtta

Nuorâ anarâšnieidâ Saara Seipiharju vuolgij suátiviehân ihán, ko valmâštui kiđđuv pajeuáppen. Seipiharju tieđij, et suátiviehâ puáhtá leđe hástu, mut vuolgij kuittâg. Tääl sun lii ilolâš taan valjiimist.

-– Must iä lam tom tááhust magarehgin vuárdámušah, smiettim tuše, et puáhtá leđe lussâd já tobbeen puáhtá älkkest vaaibâi, mut talle ko moonnim tohon, te huámmášim et tobbeenhân lâi-uv hitruuv.  Ožžum tállán skipárijd já mii tuuveest lii fiijnâ juávkku, muštâl Seipiharju.

Vuosmuu keerdi suátiviehâ  poođij Saara Seipiharju mielân pajetääsist. Luvâttuv maŋa lâi mudágávt asto, já koččâmeh nanosmittii suu jurduu.

– Ko peessim luvâttuvâst, te algim tuođâi smiettâđ, et tääl mun kolgâččim uuccâđ tohon. Eellim nisonij koččâmijn já tom maŋa lijjim-uv aaibâs vises, et vuálgám suátiviehân.

Nisonijd tuálih oovtâitosijn suátivievâst   

Seipiharju lii suátipalvâlusâst Suáđikylá jääkärprikaadist oovtâst 30 eres nuorâ nisonijn. Ubâ Suomâst paijeel tuhháát nisoneh maneh taan ive iävtutátulávt suátiviehân.

Saara Seipiharju
Govva: Priváhtta

Saara Seipiharju mieldi suátivievâst sij láá oovtâitosijn almaigin

- Nisoneh láá kuittâg lam jo kuhháá suátivievâst, nuuvt et tobbeen tietih, et meid nisoneh mättih. Motomeh láá-uv ettâm, et nisonijn lii eenâb mohtâ porgâđ taid hommáid, sij halideh leđe pyereh tobbeen.

- Motomeh almaah láá aalgâst várugâsah nieidâigijn, ovdâmerkkân korrâ spelâigijn. Tääl ko lep lamaš tobbeen jo mottoom ääigi, te puohah láá jo hárjánâm, muštâl Seipiharju.

Saara Seipiharju lii suunâttâllâm, et sun monâččij ollâopâttuvvân luuhâi anarâškielâ, mut suátiviehâ lii morettâm perustume suáldátámáttâm.

- Must ličij máhđulâsvuotâ vyelgiđ YK ráávhu torvouštem juávhuid. Toos lam perustum tääl.

Saara Seipiharju sahhiittâllâm kuulâh täst

Varrasamosat: Säämi

Váldoođđasat

Bivnnuhamosat

Varrasamosat

Muualla Yle.fi:ssä