Sápmi |

Anáris borggai mannan ija báikkuid 27 sentte – Davvin lea dál 70 sentte eanet muohta go dábálaččat dán muttus jagi

Davvin lea dán giđa olahus olu muohta, muitala Yle meteorologa Anniina Valtonen.

Inarissa on 15.5.2020 yhä lunta.
Juvdujoga gáttis lea ain valjis muohta, muhto jieŋat goit lea suddagoahtán. Govva: Vesa Toppari / Yle

Mannan ija borggai Kaareehjávrrist Davvi-Anáris 27 sentte ja Njellim guvluige 16 sentte. Gápmasis šadde duhtat logi sentii. Ohcejogas ja Eanodagas muhtii 2–5 sentte.

Dákkár borggat leat davvin hui hárvenaččat giđđat, iige ná olu gal galggaše dán muttus jagi muohttit, muitala Yle meteorologa Anniina Valtonen.

Sivvan vearrás borgii lea nuorttil Guoládatnjárggas boahtán vuollegis áibmodeaddu

– Vuollegis áibmodeattut bohtet Supmii dábálaččat fiestara bealde. Juos dat boahtáge nuorttil, dan einnosteapmi lea hui váttis ja dat leat erenomáš hárvenaččat. Giđđat dat sáhttáge leat hui vearrái.

Yöllä 15.5.2020 Inarissa satoi runsaasti lunta. Tämän verran uudesta lumesta oli päivällä jäljellä tien päällä.
Dán veardde Anára márkanis oidnui beaivet mannan ija borga. Govva: Vesa Toppari / Yle

Davvin lea dál erenomáš olu muohta, 70 sentte eambo go mii giđđat dábálaččat leat.

– Dat lea miessemánu muohtaolahus, dadjá Valtonen.

Vahkulohppii leat einnostuvvon davás fas muohta- ja arveoavttit.

Anniina Valtonen
Yle meteorologa Anniina Valtonen dadjá, ahte muohtaoavttit gal gullet davi giđđii, muhto muohtaborggat eai. Govva: Anniina Valtonen / Yle

Varrasamosat: Sápmi

Váldoođđasat

Varrasamosat

Muualla Yle.fi:ssä