Sápmi |

Anáris ordnejuvvo skuvlejupmi eamiálbmogiid rivttiin ja soabadallamis – Vel sáhtát almmuhit iežat

Skuvlejupmi ordnejuvvo ON álgoálbmogiid bissovaš foruma válmmaštalli čoahkkima oktavuođas.

ON eamiálbmogiid bissovaš foruma logo.
ON álgoálbmogiid bissovaš foruma válmmaštalli čoahkkima oktavuođas Anáris ordnejuvvo skuvlejupmi, mii gieđahallá soabadallama. Govva: ON

Ovttastuvvan Našuvnnaid álgoálbmogiid bissovaš forum UNPFII ordne Anáris válmmaštalli čoahkkima guovvamánus. Válmmaštalli čoahkkima oktavuođas ordnejuvvo skuvlejupmi, mii guoská álgoálbmogiid rivttiid ja soabadallama. Skuvlejupmi ordnejuvvo Sámekulturguovddáš Sajosis 15.–16.2.2020.

Skuvlejumis earet eará ovdanbuktet bissovaš foruma bargojoavkku, gieđahallet álgoálbmogiid rivttiid ja soabadallama sihke oahpásmuvvet sápmelaččaid duohtavuohta ja soabadallanprosessii. Dan lassin leat bargobájit, mat gieđahallet earet eará duohtavuođakomišuvnnaid ja eamiálbmogiid ceavzima, krihtalaš gažaldagaid ja proseassa plánema sihke dan, mo ohppojuvvon áššiid sáhttá ávkkástallat.

Skuvlejumi lágidit dutkanprofessor George Mason universitehtas, Diakonissalágádusa spesiálaáššedovdi Antti Pentikäinen ja ON bistevaš foruma ságadoalli Anne Nuorgam ovttasbarggus Oulu universitehta Giellagas-instituhtain.

Skuvlejupmi lea eaŋgalsgillii. Skuvlejupmi lea nuvttá, muhto dasa ferte almmuhit iežas. Almmuhit sáhttá bearjadaga 7.2. rádjái čujuhussii sari.enkkela(a)hdl.fi.

Varrasamosat: Sápmi

Váldoođđasat

Varrasamosat

Muualla Yle.fi:ssä