Säämi |

Anarist uárnejuvvoo onne puškouštemkišto kuávžurij pyerrin

Aanaar ušteeh -servi uárnee onne koskoho puškouštemkišto, mii álgá neelji ääigi Veskonjaargâst. Saahâ lii tipšokuáláástmist kuávžurij pyerrin.

Hauki.
Puškouštemkištoost lii lope koddeđ tuše puškoid. Taat puško ij lah kištopuško. Govva: Veli-Pekka Hämäläinen / Yle

Anarist uárnejuvvoo onne koskoho puškouštemkišto kuávžurij pyerrin. Kištoost lii loped koddeđ tuše puškoid. Puškoh láá-uv loskâm Aanaarjäävrist majemui iivij ääigi.

Aanaar ušteeh -seervi saavâjođetteijee Vesa Tolonen muštâl, et taat kišto lii siämmást tipšokuálástem kuávžur pyerrin vâi kuávžur vuojâleijeeh peesih valdâliđ juuvâst jáávrán.

– Tobbeen láá ennuv puškoh kuávžurijd purâmin, te váhá toohâp älkkeebin uccâ kuávžurvuojâleijei peessâm Aanaar jáávrán.

Kišto uárnejui vuossâmuu tove moonnâm ive já tääl sij vyerdih, et taan ive uásálisteh val eenâb ulmuuh.

– Moonnâm ive kuudijm puškoid suullân 80 kilugrammâd já taan ive vyerdip, et ličij paijeel 100 kilugrammâd.

Tolonen muštâl, et moonnâm ive puškoh monnii páihálii aldakäävpi kyeletiiskân vyebdimnáál já siämmáá sij áiguh porgâđ meid taan ive.

– Tobbeen puáhtá talle iđedist uástiđ puškoid.

Kišto álgá onne 16 ääigi já kárbáh vyelgih Veskonjaargâst. Tolonen muštâl, et kištoost lii lope ušteđ já meid kárbást uágguđ.

Kuldâl lase anarâš saavâid tääbbin.

Varrasamosat: Säämi

Váldoođđasat

Varrasamosat

Muualla Yle.fi:ssä