Sápmi |

Anárjávrri alde ruhttet 120 hearggi dán vahkoloahpa – Gonagasgilvvut geasuhit jagis nubbái

Árbevirolaš Gonagasgilvvut čohkkejit fas dán vahkoloahpa ollu olbmuid ja bohccuid Anárjávrri jieŋa ala. Vahkoloahpa heargegilvvuide leat almmuhuvvon oktiibuot 120 hearggi ja njoarostangilvvuidege vurdet 50 oassálasti. Gilvvuid jođiheaddji Juha Mikkola lea duđavaš dasa, ahte gilvvut geasuhit jagis nubbái.

Inarijärven jää 1.4.2016
Gonagasgilvvuid ráhkkaneamit Anárjávrri jieŋa alde 1.4.2016. Govva: Ville-Riiko Fofonoff / Yle

Boahtte vahkoloahpa Gonagasgilvvuide Anárii vurdet fas olu galledeadjjiid ja gilvoveaga.

Gonagasgilvvut lágiduvvojit Anárjávrri jieŋa alde boahtte lávvardaga ja sotnabeaivve 2.-3.4.2016 dál 64. geardde.

Gonagasluohkás mielde čieža sámehearggi

Herggiid Gonagasvuođas gilvalit oktiibuot 24 bohcco.

Sámebálgosiin meašttirvuođagilvvus leat dán jagi mielde čieža hearggi. Gilvui oassálastet Rauni Näkkäläjärvi Seahkojuolgi Sálleváris, Joona Länsman Aurora Gálddoaivvis, Eveliina Länsman Nigga Gálddoaivvis, Uula-Petteri Somby TR-Muzet ja Razán Báišduoddaris, Aslak Satokangas Singeri Sálleváris ja Paulus Aikio Gamu Sálleváris.

Buot Gonagasluohká herggiid sáhttá lohkat dáppe.

Báhkka ja rabas luohkáin lagabui čuohte bohcco Suomas ja Norggas

Gonagasgilvvuid báhkka luohkás fas gilvalit 37 bohcco.

Suoma sámebálgosiin gilvvus leat mielde Antti-Niilo Länsman Poveri Gálddoaivvis, Vanessa Niittyvuopio Pikku prinssi Báišduoddaris, Laura Länsman Mustikka Gálddoaivvis, Juha Mikkola Mustajalka Avvilis, Adriana Niittyvuopio / Tapio Perttunen Hanoi Rokks Báišduoddaris, Juhan Rist JR Čuoivvat Sálleváris ja Leo Aikio Mustakorva Muttošjávrris.

Lassin Norgga bealde báhkka luohkkái oassálastet Mihkkal Ante Haetta Mihao Duottar Herggiin, Lemet A. Eira D.Costa Skuohtanjárggas, Ellen Ingrid Eira Ingrid-Luosttat Kárášjogas, Björn Johansen Muzet Máze Herggiin, Johan Ivvar Gaup Biddojuolgi Máze Herggiin, John Inge Eira Mämy Máze Herggiin ja Ana Marja Eira Suiva Máze Herggiin.

Buot báhkka luohká herggiid sáhttá lohkat dáppe.

Rabas luohkás fas ruhttet 49 gilvohearggi. Gilvvus leat mielde 15 sámehearggi Suoma bealde ja gávcci sámehearggi Norgga bealde. Buot rabas luohká herggiid sáhttá lohkat dáppe.

Lassin juniorluohkás gilvalit 10 bohcco.

Njoarostangilvvuin 50 oasseváldi

Gonagasgilvvuid njoarostangilvvuide leat almmuhan iežaset dán jagi 50 oassálasti.

Almmáiolbmuid luohkás gilvalit 31 njoaroasteaddji. Sámebálgosiin gilvui oassálastet Oula-Antti Labba Giehtaruohttasis, Oula Sara Sálleváris, Antti Äärelä Lappis, Niko Näkkäläjärvi Neahkkelis, Iisko-Henrik Näkkäläjärvi Sálleváris, Petri Mattus Bátneduoddaris ja Salomo Näkkäläjärvi Sálleváris. Norgga beale Sámis gilvui oassálastet 14 njoaroasteaddji.

Almmáiolbmuid njoarostangilvvu buot oassálastiid sáhttá lohkat dáppe.

Nissonolbmuid njoarostangilvvus leat 19 oasseváldi. Suoma beale Sámis gilvui oassálastet Sunnamaarit Sara-Tornensis, Elen Anne Sara, Marjinga Sara, Magreta Sara, Rauna-Maaria Näkkäläjärvi ja Anni Magga-Eira Sálleváris ja Piia Magga ja Inkeri Magga Muotkeduoddaris.

Nissoniid njoarostangilvvu buot oassálastiid sáhttá lohkat dáppe.

Jođiheaddji lea duđavaš oassálastiide

Gilvvuid jođiheaddji Juha Mikkola lea duđavaš gilvobáikái ja ordnemiidda – ja dasa, ahte gilvvut geasuhit jagis nubbái.

– Mii leat buktán deikka muohttaga 300 guorpmi. Dat lea jikŋon bures ja báiki lea ortnegis. Buorre dálkkige lea lohpidan, illuda Mikkola.

– Oassálastit leat olu, seammaláhkai go ovdditge jagiid. Dat lea buorre, Mikkola joatká.

Erenoamáš ollu prográmma mánáide

Gonagasgilvvuin lea dál vuosttas háve erenoamáš ollu prográmma maid bearrašiid unnimusaide.

Sámi oahpahusguovddáš ja Mannerheimin lastensuojeluliitto fállet dáhpáhusas mánáide vejolašvuođa čierastit mielli, dolastallat lávus, oaggut koriin, njoarostit, govvet iežas bohccuin ja stoahkat duhkoraddanbáikkis.

Gonagasgilvvuid dárkilis prográmma gávdno erret eará Suomen Porokilpailijat -searvvi Facebook-siidduin.

Varrasamosat: Sápmi

Váldoođđasat

Varrasamosat

Muualla Yle.fi:ssä