Sápmi |

Árbevirolaš sámemusihkka skádjá Sámi musihkkaakademiija konsearttas Ohcejotnjálmmis duorastaga

Máddariid árbemusihkka lea fáddan Sámi musihkkaakademiija dán jagi oahppiid vuosttas oktasaš konsearttas. Oahppit ja oahpaheaddjit bovdejit olbmuid Áilegasdállui diibmu 18 eahkedis.

Jietna: oahppit ja oahpaheaddjit
Jietna
Guldal Heli Aikio ja Anna Näkkäläjärvi-Länsman jearahallama 11.10. iđitsáddagis. Jietna: Yle Areena

Sámi musihkkaakademiija doallá duorastaga eahkedis konseartta Ohcejoga Áilegasdálus. Trad3-nammasaš konsearttas musihkkaakademiija studeanttat rohttejit dološ luđiid ja livđiid sihke árbevirolaš ja ođđa hámis.

Gelddolaš mielain vuorddaša Sámi musihkkaakademiija oahppi Heli Aikio dán konseartta. Sis lea aiddo mannamin Máddariid musihkkaárbi -gursa, man bokte son lea gávdnan maid iežas fulkkiid dahje máddariid livđeid.

Konsearta lea ovttalágan álggaheapmi Sámi musihkkaakademiija árbevirolaš musihkkaoahpuin.

– Juoiggus ja livđe juo gullojit ja maŋŋelabbos maiddái sávvamis leu'dd gullo min konserttain, illuda siidodoaibmasaš oahpaheaddji Anna Näkkäläjärvi-Länsman.

Konsearttas loaiddastit Aimo Aikio, Heli Aikio, Mihkku Laiti, Jouna Raudasoja ja Pauli Saijets. Sin oahpaheaddjit leat Marko Jouste, Anna Näkkäläjärvi-Länsman ja Veli-Pekka Puttonen.

Konsearta álgá duorastaga 11.10. diibmu 18 Áilegasdálus Ohcejotnjálmmis. Konsertii beassa sisa nuvttá.

Varrasamosat: Sápmi

Váldoođđasat

Varrasamosat

Muualla Yle.fi:ssä