Sää´mjânnam

Artikkel saaʹmi määccǩin, vuõiggvuõlttõõzz radiost da Yle Areenast – Saaʹmi meersažpeeiʹv Yle Sääʹmmest spesiaalkääzzkõõzz

Sápmi
Säämi juhlo vuod kuovâmáánu 6. peeivi. Govva: Kevin Francett

Yle Sääʹmm tuâivvad puk ǩiõččin, lookkjin da kuvddleejin tiõrvʼvuõđid neʹttvuõlttõõzz vääras mobiilaparaattin fiʹlmmjum videotiõrvʼvuõđid.

Jâđđa 6. tälvvmannu juuhljet Saaʹmi meersažpeeiʹv!

Yle Sääʹmm tarjjad määŋnallšem siiskõõžž säʹmmlai peeiʹv cistten neeʹttast, radiost da televisiost.

Meersaž peiʹvv lij teemman radiost juʹn tueʹles rääʹjest Yle Sääʹm tueʹlääst čiâss 7.00–8.00, tâvvriikklaž Buorre iđit Sápmi -vuõlttõõzzâst čiâss 8.00–10.00 ja Dearvva! Tiõrv! Tiervâ! -vuõlttõõzzâst čiâss 14.30–16.00.

Meersažpeiʹvv lij vueʹssen televisiost Yle Ođđsin Yle TV1:st čiâss 15.45.

Takai siiskõõzzi lââʹssen mij taʹrjjeep mâid-ne aivv ođđ!

Vuõigg vuõlttõs čuäʹjat juuhlid Uʹccjooǥǥast Jokkmoʹǩǩe - vuõlttâd jiijjâd videotiõrvʼvuõđ miʹjjid!

Saaʹmi meersažpeeiʹv Yle Sääʹmm vuõlttad vuõssmõs vuâra historiastes vuõiggvuõlttõõzz Yle Areenast.

Neʹttvuõlttõs älgg čiâss 12.00 da peeʹšt 45 minuuʹtt. Vuõlttõs lij vueinemnalla pirr maaiʹlm.

Vuõlttõõzzâst Yle Sääʹmm tuåimteei Uʹccjooǥǥâst, Aanrest, Jeännõõǥǥâst da Heʹlssnest veʹǩǩe ǩiõččid määŋgnallšem juuhlid, määŋgnallšem jurddjid. Vuõlttõs lij jeänmõšân säämas.

Sámi álbmotbeaivi 2019. / Saamelaisten kansallispäivä 2019.
Yle Sääʹmm tuâivv pukid mieʹldd videotiõrvʼvuõđivuiʹm meersažpeeiʹv vuõlttõʹsse. Govva: Vesa Toppari / Yle

Tän vuõlttõʹsse Yle Sääʹmm tuâivv videotiõrvʼvuõđid ǩiõččin! Puäʹđ ton še mieʹldd da vuõlttâd miʹjjid videotiõrvʼvuõđid mobiilteʹlfoonin. Vidoid vuäitt vuõltteed ouddmiârkkân WhatsApp pääiʹǩ +358 40 1909 114, Facebook pääiʹǩ leʹbe neʹttpååʹštin.

Mušttal videost, ǩii leäk da tõn mâŋŋa vuäitak vuõltteed tiõrvvuõđid, mušttled jiijjâd meersažpeeiʹvest, sniimmâd, läullad, leuʹddjed leʹbe håʹt mâiʹd! Video vuäǯǯ leeʹd nuʹt 15-30 sekuunt. Video vuäitt fiʹlmmjed selfie-kamerain ij-ǥa leäkku miârkktõs tõin, mõõn beäʹln âânak kamera.

Videotiõrvʼvuõđ vuõltteed mij vuõlttõõzzâst. Tiõrvʼvuõđid vuäitt vuõltteed seärad 5.2 čiâss 12 räjja!

Obb vuõlttõõzz vuäitt ǩiõččâd õinn mâŋŋlest, jos jiõk ǩiõrggan eiʹdde teʹl teâttmâšina leʹbe teʹlfoon paʹldde.

Jiijjâsnallšem määccaǩartikkel!

Anárašgákti
Artikklest vuäitak lookkâd ouddmiârkkan tän määccaǩ pirr. Govva: Vesa Toppari / Yle

Meersažpeeiʹv Yle neʹttseeiʹdin peäss lookkâs spesiaalartikkel säʹmmlai pihttsin da määccǩi pirr.

Yle Sääʹmm lij tuejjääm õõutsââʹjest Yle Mediadeskin artikkel, mõõn peäss lookkâd tâʹvvsäämas da lääddas.

Radiovuõlttõs Ruõcc Jokkmooǥǥâst

Karen Eira ja Inger-Elle Suoninen.
Inger-Elle Suoninen da Karen Eira vuõltte mainnsid pirr Sääʹmm Govva: Sara Wesslin

Radiost lij še kuullamnalla veâl meersažpeeiʹv jeäʹǩǩespeeiʹv Saaʹmi meersažpeeiʹv vuõlttõs, mõõn vuõlttâd Lääʹddjânnam ääiʹj čiâss 16.00–18.30.

Vuõlttõõzzâst Yle Sääʹm tuåimteei Inger-Elle Suoninen da SR Sameradion tuåimteei Karen Eira vuõltte mainnsid pirr Sääʹmm.

Tän vuõlttõõzz peäss ǩiõččâd še neʹttvuõlttõʹssan da tõn peäss ǩiõččâd seämmaääiʹj Sameradion & SVT Sámi neʹttseeiʹdin.

Sohkaršohkka vuõltteet meersažpeeiʹv čiâss 18.30–21.00.

Varrasamosat

Muualla Yle.fi:ssä