Sápmi |

Aviisa: Finavia ii hálit doallát Eanodaga girdingietti – brihttalaš mátkefitnodat moaitá Finavia doaimmaid

Fásta girdinvuorut Eanodaga girdingiettis loahpahuvvojedje moadde jagi dassá ja dat lea dagahan girdingietti váttis ekonomalaš dillái.

Hetan lentokenttä Enontekiö
Eanodaga girdingieddi dárbbašivčče ođđa bajildusa ja maiddái terminála livččii dárbu ođasmahttit. Govva: Jorma Korhonen / Yle

Finavia hálidivččii luohpat Eanodaga girdingietti doallamis. Girdingieddi dárbbašivčče ođđa bajildusa ja maiddái terminála livččii dárbu ođasmahttit.

– Koronakriisa lea ain fuonidan fitnodaga vejolašvuođaid investeret Eanodaga girdingieddái, gártat maiddái guorahallat girdingietti giddema, dadjá Finavia beaivválaš jođiheaddji Kimmo Mäki. Mearrádusaid Eanodaga girdingietti hárrái Finavia ii leat vel dahkan.

Fásta girdinvuorut Eanodaga girdingiettis loahpahuvvojedje moadde jagi dassá ja dat lea dagahan girdingietti váttis ekonomalaš dillái.

Brihttalaš mátkefitnodat Transun moaitá Finavia doaimmaid

Stuorra-Britannias doaibmi mátkefitnodat Transun moaitá Finavia plánaid giddet Eanodaga girdigietti. Transun ekonomiijahoavda James Crawshaw dadjá, ahte Finavia lea eahpelihkostuvvan Eanodaga girdigietti dikšumis, go dat ii guldal áššehasaidis.

Crawshaw mielde Transun lea máksán Finaviai miljovnnaid euroid Eanodaga girdigietti geavaheamis. Fitnodat cealká, ahte dat buktá 4,5 miljon euro Eanodahkii jahkásaččat.

– Mii leat evttohan máŋggaid ođđa girdimiid Eanodahkii, muhto eat leat ožžon makkárge vástádusa Finavias, dadjá Crawshaw.

Áššis muitala Enontekiön Sanomat -aviisa.

Beaividuvvon 8.5.2020 dii. 11.42: lasihuvvon ođasgáldu

Varrasamosat: Sápmi

Váldoođđasat

Varrasamosat

Muualla Yle.fi:ssä