Sää´mjânnam |

Äʹvv muʹzeei jååʹđteejen leʹjje 16 ooʒʒi – tuâjast mieʹrreet veâl tän määʹnnpââʹj looʹppâst

Ooʒʒamäiʹǧǧ puuʹđi ođđeeʹjjmannu 25. peiʹvv.

Äʹvv museo Neidenissä
Nuõrttsääʹm-muʹzei Äʹvv ääʹveeš ǩeässa 2017. Govva: Ville-Riiko Fofonoff / Yle

Njauddâm nuõrttsääʹmmuʹzeeʹja lie ooʒʒam 16 oummu. Ooʒʒamäiʹǧǧ puuʹđi ođđeeʹjjmannu 25. peiʹvv.

Filippo Olari, italiaǩiõl uʹčteeʹl
Henrik Mathisen, tuâjjoocci
Torunn Nilssen Beck, tuâjjoocci
Mats Roar Sakshaug, piisar da tuâjjoocci
Stian Kinn, vahtt
John Kearney, jiõččnaž tuâjjlaž
Thomas Lund, arkeolog
Emma Backelin, lääʹǩǩškooul koordinator
Katharina Bartsch, jååʹđteei da uʹčteeʹl
Michael Riessler, spesiaaltuʹtǩǩeei
Arnt Mikael Arvola, jiõččnaž tuâjjlaž
Vilde Ørsje Utby, nuõrioʹhjjeei
Ruben Magistad Wold, tuâjjoocci
Richard Gogstad, jiõččnaž tuâjjlaž, konsult
Maria Björkroth, antikvariaatt
Kjell Lande, tuâjjoocci

Jååʹđteei tuâjj lij põõšši da suu tuõjju koʹlle čuäʹjtõõzz vaaldšem, plaaneem da markknâʹsttem. Tõn lââʹssen tuõjju koʹlle še muʹzeei tuâjjlai da ekonomia vaaldšem.

Muʹzeijååʹđteeʹjest vueʹrdet muʹzeituõjju õhttõõvvi maister- leʹbe dåhttartuʹtǩǩõõzz arkeologiast, museologiast, historiast leʹbe alggmeerai tuʹtǩǩummšest leʹbe sosiologiast. Jååʹđteei feʹrttai še tieʹtted puârast sääʹmǩiõl da -kulttuur. Suʹst vueʹrdet še šiõǥǥ ekonomiasilttõõzz da što tåbdd muʹzeituâj.

Jååʹđteei feʹrttai mainsted taarr- leʹbe ruõccǩiõl. Jeeʹres ǩiõllsilttõõzz ǩiõččât pueʹrren.

Äʹvv-muʹzeei täävtõssân lij dokumentâʹstted, tuʹtǩǩeed da liâvted säʹmmlai historia. Nuõrttsäʹmmla jälste Lääʹddjânnam, Taarr da Ruõššjânnam raaji seʹst. Muʹzeei tuõjju kollai še nuõrttsäʹmmlai kulttuur da identiteeʹtt nâânummuš.

Äʹvv lij vueʹss Teäʹn da Vaʹrjjel muʹzeifoond.

Varrasamosat: Sää´mjânnam

Váldoođđasat

Varrasamosat

Muualla Yle.fi:ssä