Säämi |

Avveel uđđâ 500 uáppee škovlâkuávdáš valmâštuvá 2022 – háástuh šaddeh ko vyeliškovlâ juátkoo ain táválávt varâlâš huksimsaje paaldâst

Huksimpargoh láá álgám taan keesi já uđđâ, ohtsis suullân 500 uáppee škovlâ ceggân tááláš škoovlâ paaldân Avveeljuuvâ riidon.

Inarin sivistysjohtaja já työnjohtaja rakennustyömaalla.
Avveel uđđâ škovlâkuávdáš huksimpargo lii álgám. Aanaar kieldâ čuovviittâshovdâ Ilkka Korhonen, pargojođetteijee Erkka Tervo já västideijee pargojođetteijee Sakari Juujärvi čäittih huksimsaje. Govva: Mikkâl Morottaja / Yle

Avveel 500 uáppee škovlâkuávdáš huksejuvvoo ääigitaavlu mield já valmâštuvá ive 2022. Škovlâkuávdáážist tuáimih puátteevuođâst puoh Avveel ovdâ- já vuáđuáškovlâliih já meid luvâttuv uáppeeh.

Sakari Juujärvi esittelee rakennustyömaata
Huksimsaje västideijee pargojođetteijee Sakari Juujärvi čáittá uđđâ škovlâkuávdáá vuáđuid. Govva: Mikkâl Morottaja / Yle

Lehtotilat Oy västideijee pargojođetteijee Sakari Juujärvi muštâl, et jieš huksiimist iä lah eromâš čuolmah. Stuorrâ háástuid šaddeh pic tast, et huksimsaje paaldâst vyeliškovlâliih joteh uápu siämmáá ääigi, mut tom várás lii rahtum torvolâšvuotâvuávám.

– Tiätu tijmeaaigijn, ko párnááh puátih já vyelgih škoovlâst, mist lii pargoviehâ poortâst vahtiimin, et ruossâlâs autojotolâh tuáimá, muštâl Juujärvi.

Jotoluv lasseen háástuid toovât tiätuäŋgiris škovlâliih, moi muáđuh ithe viermiaaiđij kooskâst tijmekooskâi ääigi. Tuáistáážân kihheen ij lah parttâšum, mut huksimsaajeest láá ain riiskah. Juujärvi haalijd-uv vuolgâttiđ tiervuođâid meid párnái vanhimijd.

– Muštâliđ párnáid, et taat huksimsaje ij lah mihheen sierâdempaaihijd. Tääbbin lii aaibâs tuođâi varâlâš, iätá Juujärvi.

Rakennustyömaan vieressä lapset välitunnilla.
Huksimsaje paaldâst lii puáris škovlâ, kost máttááttâs juátkoo táválávt. Torvolâšvuođâ lii kolgâm čovgiđ. Govva: Mikkâl Morottaja / Yle

Škovlâkuávdáš uáivildum meid eehidpeivitooimâi várás

Škoovlâjotteem lasseen škovlâkuávdáá sajeh, eromâsávt lihâdemhallâ, šiljokuáti já auditorio-elleekoveteatter palvâleh eehid- já oholoppâkiävtust eres kieldâlijd. Aanaar kieldâ čuovviittâshovdâ Ilkka Korhonen tuáivu, et škovlâkuávdáš kiävttoo maaŋgâ náál máttááttem lasseen.

– Tuáivup, et tast šadda taggaar mii palvâl kieldâlijd meid eehidááigán, et táálu ij pääsi ehidistkin kuárusin já finnip ollâ kevttimtääsi. Talle tot palvâl meid tom, moos tot lii vuávájum, Korhonen muštâl.

Ivalon koulukeskuksen rakennustyömaa
Avveel uđđâ škovlâkuávdáš valmâštuvá puáris škoovlâ paaldân Avveeljuuvâ riidon Govva: Markus Oksman

Lasseen kuávdáážân puátih sávrusali, valmâštâskievkkân já eres čuovviittâstooimân tárbuliih sajeh.

Varrasamosat: Säämi

Váldoođđasat

Varrasamosat

Muualla Yle.fi:ssä