Sápmi |

Avvila Áhujäävri lahkosiin joreštan ealli leat duođaštan gumpen – boles geahččala ain vuojehit dan eret

Dna-teastta bohtosa mielde Avvilis johtán ealli lea duođai gumpe.

Susi Ähtärin eläinpuistossa
Dát gumpe lea govvejuvvon Ähtäri ealliidgárddis. Govva: Pasi Takkunen / Yle

Lappi bolesis ja fuođđoguovddážis nannejit, ahte Avvila Áhujäävri guovllus johtán ealli lea gumpe. Eallis váldojuvvui dna-čájánas, mii analyserejuvvui Turku universitehtas. Gumpe lea johtán maid olbmuid šiljus.

Lappi bolesa rihkuskomissára Mika Grönroos muitala, ahte gumppe leat ain geahččaleamen vuojehit eret.

– Jus gumppe láhtten rievdá váralabbon dahje jus ovdamearkka dihte boazodoalu beales ohcet spiehkastatlobi gumppe goddimii, de mii mannat dan mielde.

Fuođđoguovddáš ii goittotge vel leat ožžon spiehkastatlohpeohcamuša.

Báikkálaš: “Buorre, go viimmat jáhkket min”

Justiina Norjavaara ássá Áhujávrris ja gumpe lea fitnan maid su šiljus. Su mielas ealli guođđán luottain vuhtii ahte lea gumpe. Dasa lassin gumppe ledje maid oaidnán moddii.

Dál son lea duđavaš, go ášši lea sihkkarastojuvvon.

– Gal dat lea váivvidan, go min eai leat jáhkkán. Lea orron dego eai váldde min duođas, lohká Norjavaara.

Guovllu olbmot leat hárjánan dasa, ahte doppe johtet gumpet muhto dál dát gumpe ii oro ballamin olbmos. Gumppe leat máŋgii geahččalan vuojehit eret, muhto dat ii leat vuolgán dađi guhkkelii.

Norjavaara sávvá, ahte dál vihkkehalašedje jo eará goansttaid váttisvuođa čoavdimii.

Dál son ii duostta luoitit beatnagage iežas šilljui luovosin.

– Ferte leat várrugas go iežas ruoktonurkkiin johtá, šuohkiha Justiina Norjavaara.

Varrasamosat: Sápmi

Váldoođđasat

Varrasamosat

Muualla Yle.fi:ssä