Sápmi

Avvila girdigiettis šerres boahtteáigi - dan buktet ásialaččat

Mannan jagi Avvila girdigietti bokte girde olahus olu olbmot, rámiida Finavia doaimmajođiheddji Kari Savolainen. Mannan jagi Avvila bokte girdege badjel 150 000 olbmo. Olahusaid lea vejolaš časkit dás duohkoge go ásialaččain buorrána olles áigge ruhtadilli.

Ásialaš turisttat Avvilis.
Govva: Vesa Toppari / Yle Sápmi

Avvila girdigietti ođasmahtte mannan jagi ja stuorrun vejolašvuohta lea ain, dadjá Finavia doaimmajođiheddji Kari Savolainen.

Avvila girdigieddái šerres boahtteáigi orru boahtiin namalassii guhkkin nuortin, einnosta Savolainen.

– Ásialaš turisttaid mearri leage lassánan sakka. Ásias ruhtadilli buorrána jagis jahkái, nuba lea eanet go jáhkehahtti, ahte ásialaččat bohtet Avvilii ain eanet.

Galggašii jurddašit maid ásialaš háliida ja roahkkadit vuovdit galbma geasi

Dálvit Avvilii girdet mašiinnat dávjá, muhto geassit eai seamma olu. Jus geasseturisma máhttet vuovdit rivttes láhkai, de dat lasihivčče geasi girdivuoruid. Dat livččeges ávkin maiddái báikkálaččaide, jurdila Savolainen.

Kari Savolainen Finavia doaimmajođiheaddji
Govva: Vesa Toppari / Yle Sápmi

– Dál galggašii máhttit vuovdit Lappi geasi. Suopmelaš dávjá smiehttá, ahte go dáppe ii leat geassit nu báhkas ja arváge, de olbmot jurdilit, ahte giibat deike háliida.

– Jus fas jorgala jurdaga dan guvlui mo ásialaš baicce smiehtašii, de sis leat doppe doarvái báhkat, muhto sis eai leat buhtes čázit iige ijahis idja.

– Dieid go máhtášii vuovdit buorebut, de dalle geassit deike boađášedje eanet turisttat ja seammás eanet dat girditge, dadjá Savolainen.

Varrasamosat: Sápmi

Váldoođđasat

Varrasamosat

Muualla Yle.fi:ssä