Sápmi |

Ávvir: Jagi 2020 sápmelažžan válljejuvvui Minna Näkkäläjärvi

Ávvira lágidan Dán jagáš sápmelaš -jienasteamis ledje 12 evttohasa.

Minna Näkkäläjärvi pani alulle adressin Käsivarren tuntureiden puolesta kaivostoimintaa vastaan.
Minna Näkkäläjärvi lea válljejuvvon Ávvira lohkkiid evttohusaid vuođul dán jagáš sápmelažžan. Govva: Linda Tammela / Yle

Ávvira lohkkit leat jienastan eanodatlaš ruvkevuosttildeaddji ja Ergona siidda boazodoalli Minna Näkkäläjärvi jagi 2020 sápmelažžan.

Evttohusa mielde Näkkäläjärvi álggahii nammačoaggima Giehtaruohttasa duottarguovllu beales ruvkedoaimmaid vuostá. Adreassa fidnii moatti mánotbajis viiddes doarjaga. Minna Näkkäläjärvi álggahii adreassa geassemánu beallemuttus. Go adreassa vuolláičállináigi nogai borgemánus, čoahkis ledje oktiibuot 37 200 nama.

– Somá. Dat lea positiiva, dainna málliin positiiva go olbmot leat muitimin mu. Dat lea árvosátni dasa maid lean dán rádjái dahkan, muhto gudni ii leat dušše munnje. Mus leat olbmot duogábealde. Juogadan dan singuin, in leat okto rahčan, dadjá Minna Näkkäläjärvi Ávvir-áviisii.

Gilvui bohte oktiibuot 2 844 jiena. Minna Näkkäläjärvi oaččui 33,65 proseantta jienain.

Nubbin eanemus gilvvus oaččui jienaid giellačeahppi Lemet Máhtte Eira Sara, 30,63 proseantta. Goalmmádin eanemus jienaid oaččui boazoeaiggát Anders Nils Peder Sokki, 7,91 proseantta jienain.

Oktiibuot 12 evttohasa ledje mielde dán gilvvus.

Mannan gaskaija sotnabeaivve 27.12. Norgga áiggis loahpahuvvui jienastanáigi “Dán jagáš sápmelaš” -bálkkašupmái, man Ávvir lágida.

Minna Näkkäläjärvi lea jagi sápmelaš 2020 Jietna: Inger-Elle Suoninen / Yle

Šadde sihkkut eret jienaid

Ovdal juovllaid 21. juovlamánu Ávvir almmuhii, ahte sis leamaš hástalusat Dán jagáš sápmelaš -gilvvui. Ávviris ledje gávnnahan, ahte gilvui bohte ollu jienat seamma jienasteaddjis. Dan sivas sii gárte ođasdoaimmahusas sihkkut oasi jienain ja guođđit dušše vihtta jiena, mat bohte seamma IP-čujuhusas.

Ávviris oidnet dárbbu rievdadit jienasteami boahtte jahkái.

– Mii eat čájet bohtosiid dan botta go gilvu lea jođus, go de ii sáhte fáktet man ollu jienat nuppis leat ja de jienastišgoahtit. Mii leat maid jurddašan bidjat ráji dasa man ollugat sáhttet jienastit seamma IP-čujuhusas, dadjá Ávvira doaibmaossodaga jođiheaddji Per Christian Biti Ávvirii.

Varrasamosat: Sápmi

Váldoođđasat

Varrasamosat

Muualla Yle.fi:ssä