Sápmi |

Ávvir: Stuorra eananuđas fierran Deanus lahka Sámi šalddi

Ohcejotnjálmmi lahkosis Norgga bealde lea luodda gitta eananuđđasa dihtii.

Ohcejohka.jpg
Sámi šalddi lahkosis Norgga bealde leamaš eananuđas mii lea botken luotta. Govva: Anneli Lappalainen / Yle

Roavvegiettis lea fierran stuora eananuđas E6 luotta rastá, luodda lea gitta ja entreprenevra lea jođus báikái, muitala Ávvir-aviisa.

Politiijat dieđihit Twitter’a bokte, ahte davábeale Ohcejoga, Roavvegiettis lea eananuđas fierran rastá E6 luotta. Eananuđas lea sullii ovtta mehtera alu, politiijat dieđihit maid ahte luodda lea gitta.

– Dat lea stuora eananuđas ja lea eanas láirá mii lea fierran. Dál lea luodda gitta ja mii leat addán dieđu geaidnofuolaheaddjái mii galgá čorgegoahtit luotta, muitala Vegtrafikksentralen Nord preassagulahallanolmmoš Christer Berntsen Ávvirii.

Varrasamosat: Sápmi

Váldoođđasat

Varrasamosat

Muualla Yle.fi:ssä