Sápmi |

Badjealbmá čalmmiiguin -dokumeantta gehčče tv:s lagabui 200 000 olbmo

Filbmadahkki Ásllat Paltto muitala, ahte sutnje leat boahtán valjis jearahallamat das, mo dokumeantta beasašii oaidnit Ruoŧa ja Norgga bealde. Dat sáhttá leat vejolaš boahtteáiggis.

Poronhoitaja, toimittaja Aslak Paltto kuvasi poronhoitajien arkea Saamenmaalla yhdeksän vuoden ajan.
"Badjealbmá čalmmiiguin" lea Ásllat Paltto vuosttas guhkes filbma. Son bargá maiddái Yle Sámi doaimmaheaddjin ja badjealbmán. Govva: Eva Fachè

Sotnabeaiiđit Yle TV1 -kanálas čájehuvvon Badjealbmá čalmmiiguin -dokumeantta gehčče 186 000 olbmo, čájehit Yle tv-geahččistatistihkat.

Dokumeanta čokkii televišuvnna gurrii valjis geahččiid dan ektui, ahte ovdamearkka dihte lávvardateahkeda árbevirolaš ja dovddus luonddudokumeantaprográmma "Avara luonto" gehčče 190 000 olbmo.

Badjealbmá čalmmiiguin -dokumeantta lea dahkan doaimmaheaddji ja badjealmmái Ásllat Paltto Leammis. Filbma muitala sámeguovllu váttis spiredilis. Paltto govvii dokumeantta materiálaid olles ovcci jagi. Filbma bistá diimmu ja das leat oasit sihke davvisáme- ja suomagillii, ja teksten gielas nubbái.

Ásllat Paltto lea hui duđavaš geahččiloguide. Son muitala, ahte lea ožžon dokumeanttas olu positiivvalaš máhcahaga.

– Máŋga geahčči leat čállán mutnje, ahte viimmat sii áddejit, mas spireváttisvuođain lea jearaldat.

Paltto muitala, ahte sutnje leat boahtán valjis maid jearahallamat das, mo dokumeantta beasašii oaidnit Ruoŧa ja Norgga bealde. Dat sáhttá leat vejolaš boahtteáiggis.

– Lean bargamin dan ovdii, ahte filbma boađášii oidnot Ruoŧas ja Norggas maiddái, muhto in máhte vuos dadjat, goas dat dáhpáhuvvá.

Badjealbmá čalmmiiguin -dokumeantta sáhttá geahččat neahtas Yle Areenas. Doppe filmma ledje vuossárgga eahketbeaivve geahččan lagabui 11 000 geardde.

Varrasamosat: Sápmi

Váldoođđasat

Varrasamosat

Muualla Yle.fi:ssä