Sápmi |

Bálkkašuvvon filbmadahkki Michelle Latimer filbma lea gessojuvvon eret Sundance-festiválas – ođasdoaimmahat: eamiálbmotservodat ii dovdda su duogáža

Ođasdoaimmahat CBC News čielggadeami mielde Latimeris ii leat dakkár gullevašvuohta eamiálbmogii nugo ieš lea máŋggaid jagiid namuhan.

Michelle Latimer
Latimera dokumeanta Inconvenient Indian lea gessojuvvon eret beakkánis Sundance-filbmafestiválas ja riikkaviidosaš čájehemiin go sáhka Latimer eahpečielga eamiálbmotmáttuin beaggigohte. Govva: Michelle Latimer

Eamiálbmotfilbmadahkkin dovddusin šaddan Michelle Latimer eamiálbmotmáttuid leat bidjan gažaldatvuložin Kanadas. Gieskat almmuhii CBC News artihkkala, man mielde eamiálbmogiid ovddasteaddjit eai dovdda Latimer oktavuođaid Kitigan Zibi -servošii.

Ođasdoaimmahaga čielggadeami mielde Latimeris ii leat dakkár gullevašvuohta eamiálbmogii nugo ieš lea máŋggaid jagiid namuhan. Čielggadeami mielde Latimera lagamus eamiálbmotmáttut leat 1600-logus.

Latimer lea čilgen ieš Facebook-seainnistis, ahte son ádde dahkan feailla go lea namuhan Kitigan Zibi iežas bearraša searvvušin ovdal go searvvuš lea nannen su oktavuođa servošii.

CBC News čállá maiddái, ahte Latimera dokumeanta Inconvenient Indian lea gessojuvvon eret beakkánis Sundance-filbmafestiválas ja riikkaviidosaš čájehemiin go ságat Latimer eahpečielga eamiálbmotmáttuin beaggigohte. Našunála filbmakomitea lea dieđihan, ahte sii leat mearridan geassit eret filmma riikkaviidosaš lebbemis dokumeantta go sii leat čatnasan dasa, ahte eamiálbmogat muitalit ieža muitalusaideaset.

Michelle Latimer lea galledan maiddái Sámis Skábmagovat -eamiálbmogiid filbmafestiválain jagis 2018.

Michelle Latimer galledii Skábmagovain ođđajagimánus 2018. Aslak Paltto jearai sus manin son háliida dokumentáraid. Jietna: Yle Areena

Varrasamosat: Sápmi

Váldoođđasat

Varrasamosat

Muualla Yle.fi:ssä