Sápmi |

Bargguhemiid mearri šattai mánotbajis masá guovttegeardásažžan Anáris – sámegielddain buoremus dilli lea Eanodagas

Bargguhisvuohta lea lassánan miehtá eanangotti koronavirusa dagahan spiehkastatdili dihtii.

TE-toimisto
Bargo- ja ealáhusdoaimmahaga kundariid mearri lea mánotbajis lassánan sakka. Govva: Antti Haanpää / Yle

Bargguhis olbmuid mearri lea jođánit lassánan Lappi eanangottis koronavirusa leavvama eastadeapmin dahkkon doaimmaid dihtii, muitalit Lappi EBI-guovddážis. Dieđut bohtet ovdan bargo- ja ealáhusministeriija statistihkain.

Sámegielddain bargguhemiid mearri lea eanemus lassánan Anáris, gos bargguhis olbmot ledje njukčamánus masá guokte geardde eanet go vel guovvamánus.

Ohcejogas ja Soađegilis bargguhis olbmuid mearri lea lassánan masá beliin guovvamánu logus. Sámegielddain buoremus dilli lea Eanodagas, gos bargguhis olbmot leat lassánan sullii goalmmádasain.

Čuovvovaš tabellii leat merken sámegielddaid bargguhemiid meari ja sin ossosa guovllu bargoveagas proseanttaiguin. Logut govvidit dili guovva- ja njukčamánu loahpas.

GieldaBargguhis olbmot 2/2020Bargguhemiid oasus bargoveagas 2/2020

Bargguhis olbmot 3/2020

Bargguhemiid oasus bargoveagas 3/2020

Anár307

9,1 %

583

17,3 %

Eanodat118

13,2 %

152

16,9 %

Ohcejohka

46

8,6 %

70

13,1 %

Soađegilli

289

7,3 %

427

10,7 %

Lappi eanagottis ledje njukčamánu loahpas 11 840 bargguhis bargoohcci. Lohku lea badjel goalmmádasa stuorát go dán jagi guovvamánus dahje njukčamánus 2019. Badjel bealli ođđa bargguhis bargoohcciin lea gártan bággolupmui.

Lappi EBI-guovddáža mielde bargguhisvuohta lei geahppánan Lappi guovllus jagi 2017 rájes.

Divvojuvvon 24.4. dii.12.00: Eanodagas bargguhemiid mearri lea lassánan sullii goalmmádasain. Divuimet ášši álggus boastut.

Varrasamosat: Sápmi

Váldoođđasat

Varrasamosat

Muualla Yle.fi:ssä