Sápmi |

Beaska Niillas Háldis: Eai stáhtat sáhte suolagálvvu lonohallat

Norgga Sámedikki áirras Beaska Niillas oaivvilda, ahte stáhtat eai sáhte suolagálvvu lonohallat. Son kommentere Yle Sápmái ođđasa das, ahte Norga lea suokkardeamen skeŋket Háldi ovtta várrečohka Supmii. Stáhtarádji sirdašuvalii 40 mehteriin.

Beaska Niillas
Norgga sámediggelahttu Beaska Niillas oaidná, ahte Háldi galggalii geigejuvvot sámiide iige lonohallojuvvot stáhtaid gaskas. Govva: Spotlight / Yle

Norgga sámediggelahttu Beaska Niillas oaidná, ahte Háldi galggalii geigejuvvot sámiide iige lonohallojuvvot stáhtaid gaskas.

Beaska Niillas kommenterii Yle Sápmái ođđasa das, ahte Norgga ráđđehus lea árvvoštallamen galgágo Norga skeŋket Háldi alit várrečohka Supmii, go Suopma deavdá 100 jagi.

– Dat lea vehá imaš árvalus, go rievtti mielhan dat lea sámi eanan. De dat geat juo leat rievidan dan eatnama, galget lonohallat gaskaneaset. Mun in leat gal bidjan nu olu návccaid, ahte beroštit dan áššis obanassiige, daningo rievtti mieldehan galggašii baicce nu, ahte dat geigejuvvo ruovtoluotta dasa geasa gullá, iige stáhtaid gaskas lonohallojuvvo, dadjá Beaska Niillas.

– Mu oaidnu lea ahte eai hal stáhtat sáhte suolagálvvu lonohallat.

Mu oaidnu lea ahte eai hal stáhtat sáhte suolagálvvu lonohallat

– Beaska Niillas

Keskitalo: Háldi lea guovllus go eananrievttit eai leat čielggaduvvon

Norgga Sámedikki presideanta Aili Keskitalo maid imaštallá jurdaga skeŋket eananbihttá riikkas nubbái.

Aili Keskitalo
Aili Keskitalo Govva: Vesa Toppari / Yle Sápmi
– Ferte várra muittuhit Norgga eiseválddiid, ahte Háldi lea guovllus, gos sámiid eananvuoigatvuođat eai leat vuos čielggaduvvon, Keskitalo dadjá.

– Mii leat máŋga jagi vuordán dan, ahte Norgga eiseválddit galget loktet sámi vuoigatvuođačielggadeami dien guovllus. Dat eai leat dan vuoruhan dán rádjai ja dan dihte anán ipmašin, ahte lea sáhka dan birra ahte skeŋket eananbihttá eará riikii, dadjá Keskitalo.

Rája sirdimis ii praktihkalaš mearkkašupmi?

Gáivuona gielda evttoha sirdit Norgga riikka rájá 40 mehteriin vuoi olles várrečohkka gártá Supmii.

Gažaldagas lea okta Háldi čohkka, mii lea Norgga bealde ja lea 1 331 mehtera meara bajábealde.

Haltin huippu 1331 mpy on Norjan puolella Kåfjordin kunnassa. Suomen korkein kohta 1324 on Haltin rinteellä rajapyykillä 303B.
Suoma alimus báiki lea vielttis. Dat lea 1 324 allodagas Suoma ja Norgga rájás nummir 303B. Norgga áiggošii skeŋket ovtta Norgga beal Háldi čohkain, mii lea 1 331 mehtera meara bajábealde.   Govva: Raimo Torikka / Yle
Suoma alimus báiki lea vielttis. Dat lea 1 324 allodagas Suoma ja Norgga rájás nummir 303B. 

Sámepolitihkarguovttos eaba jáhke, ahte ovtta Háldi čohka skeŋkemis Supmii lea stuorra praktihkalaš mearkkašupmi.

– Mus lea dat vuođđooaidnu, ahte dat lea hui joavdelaš hommá dat rájáid sirdin. Dat lea sámieanan goappatbeal rájá, dadjá Beaska Niillas.

– Mun in jáhke, ahte jus šaddá dakkár skeaŋka, ahte das lea nu stuorra praktihkalaš mearkkašupmi. Dat leat sápmelaččat, geat geavahit dan guovllu guktot beal ráji sihke Norgga bealde ja Suoma bealde. Vuorddan ahte dat besset joatkit geavaheamis guovllu, nu mot dat ovdal leat dahkan dan, dadjá Aili Keskitalo.

Gáivuona gieldda evttohusas muitaluvvui Suomas vuosttas háve dán giđa.

Varrasamosat: Sápmi

Váldoođđasat

Varrasamosat

Muualla Yle.fi:ssä