Sápmi |

Berlinas konfereansa vehádagaid ja identitehtaid birra čakčamánus

Davviriikalaš ambassádat ordnejit Berlinas konfereanssa vehádagaid ja identitehtaid birra čakčamánu 22. beaivve. Konfereansa lea oassi Sámi Contemporary -dáiddačájáhusa prográmma.

sámi contemporary suohpanterror suohpangiehta
Sámi dálá dáidaga čájáhus Sámi Contemporary lea oaidnin láhkái Berlinas 10.7.-27.9. Govva: Suoma Duiskka-ambássada

Davviriikalaš ambassádat ordnejit Berlinas konfereanssa vehádagaid ja identitehtaid birra čakčamánu 22. beaivve. Konfereansa dollojuvvo Berlinas Davviriikkalaš ambassádaid oktasašdálus diibmu 11-17. Konfereansa lea ovttasbargu Freiburg sámi oahpuid dutkanjoavkkuin. Sámi oahput laktásit Freiburg Universitehta Skandinávalaš oahpuid ossodahkii. Konfereansa lea oassi Sámi Contemporary dáiddačájáhusa prográmma, mii bistá 10.7.-27.9.

Konfereansa sisttisdoallá golbma oasi

Vuoigatvuođat –oasis leat hupmamen Ande Somby Romssa universitehtas, Suoma riikkabeaiáirras ja ovddeš vehádatáittardeaddji Eva Biaudet ja Duiskka vehádatčállingotti jođiheaddji.

Dáidda ja arkitektuvra –oasis hupmet Ruoŧa sámi dáiddár Thomas Colbengtson, dánmárkolaš bagadalli ja filbmadáiddár Ivalo Frank, ja Norgga sámi arkiteakta Joar Nango.

Giella ja media -oasis hupmamen leat Yle Sámi hoavda Pirita Näkkäläjärvi, ruoššalaš kulturbargi Genadij Lukin, Peter Steggo gii lea bihtánsápmelaš ja sámi koordináhtor Ubmi gávpogis, dánmárkolaš diploma pedagoga Claus Sax Hinrichs, ja lassin vel ovddasteaddji Vigdís Finnbogadóttir Vieris Gielaid Instituhtas.

Konfereansa dollojuvvo eaŋgalasgillii.

Varrasamosat: Sápmi

Váldoođđasat

Varrasamosat

Muualla Yle.fi:ssä