Sápmi |

BO: Ruoššas Nihkkela nihkkelfabrihkka bargiid soitet skuvlet eará bargguide

Ruošša, Norgga ja Suoma rájáid lahkosis doaibmi Nihkkela fabrihkas barget 800 bargi.

Nikkelitehdas, Kuolan niemimaa
Nihkkela nihkkelfabrihka bargiid áigot skuvlet eará ámmáhiidda, muitala The Barents Observer. Govva: Thomas Nilsen / The Barents Observer

Nihkkela nihkkelfabrihka bargiid soitet skuvlet eará ámmáhiidda dahje sirdit eará bargguide. Fabrihka doaibma Ruošša, Norgga ja Suoma rádjeguovlluin. Neahttabláđđi The Barents Observer čállá, ahte Nornickel ja Murmánskka guovloeiseválddit leat vuolláičállán áššis soahpamuša.

Nornickel lea ovdalge geažidan nihkkelfabrihka heaittiheamis, muhto dál ášši orru ovdáneamen, namuha The Barents Observer. Neahttabláđđi vuođđuda dieđuidis Ruošša beale neahttaaviissaide ja ruoššagielat bloggejeaddji Blogger51, Alexander Serebryannikov čállosiidda.

Nihkkela fabrihkas barget 800 bargi.

Fabrihkajođiheaddji: Siberias baste vuohkkasit heaittihit nihkkelfabrihka

Nornickel lea ovdalge geažidan nihkkelfabrihka heaittiheamis, muhto dál ášši orru ovdáneamen, čállá The Barents Observer. Nihkkela fabrihka heaittiheames soitet goit vel muhtin eahpesihkkarvuođat, go Murmánskka guovllu kuverneavradoaimmahat ja Nornickel eai nanne ášši loahpalaččat preassadieđáhusas, mas muđuid muitalit turismma ja sosiála birrasa ovddideamis Nihkkela guovllus.

Nihkkela nihkkelfabrihka jođiheaddji Vladimir Potanin goittotge namuha Lenta-neahttabláđis, ahte fitnodat áigu heivehit Nihkkela fabrihkkii ovdal vuogasin gávnnahuvvon vuogi, man geavahedje juo Norilsk nihkkelfabrihka heaittiheamis Siberias.

Vladimir Potanin rábmo, man bures nihkkelfabrihka heaittiheapmi lihkosmuvai Norilskas muhtin jahki dassái.

– Fitnodat áigu heivehit seamma geavada ovttasbargguin guovlohálddahusain ja Nihkkela gávpogiin. Nihkkela fabrihkas barget dál sullii 800 olbmo ja Nornickel áigu heaittihit dán fabrihka, dadjá Potanin Lentai.

Muhtin jahki dassái Nornickel heaittihii Norilsk gávpogis 2 500 bargi nihkkelfabrihka ja dalle bargiid skuvlejedje ođđasit ja sirde fitnodaga eará doaibmabáikkiide bargui. Muhtin bargiide fálle ealáhatpakeahtaid, čilge Potanin.

Maid Ruošša beale Murgersk-gávpogis doaibmi Blogger51, guhte čállá earenoamážit politihka ja servodatfáttáid birra Murmánskka regiovnnas, lea dutkan almmolaš cealkámušaid. Daid vuođul Blogger51 gávnnaha, ahte Nihkkela fabrihka doaibma sirdojuvvo Monchegorskii, gos Nornickel-fitnodagas leat nihkkelfabrihkat ja gos nihkkela buvttadit buhtis nihkkelin máilmmi ruvkemárkaniidda.

– Nornickeliin dahkkojuvvon soahpamušain geahččalit dahkat fidnu čuovvovaš lávkki nu gánnihahttin go vejolaš, čállá Blogger51.

Guovlohálddahusas jáhkket turismma ovddideapmái

Murmánskka kuverneavra Andrey Vladimirovich (Chibisin) ja Nornickel-fitnodaga jođiheaddji Vladimir Potanin dahkan soahpamuš lea sullii 140 miljárdda rubela nappo 2 miljárdda euro, ja dat sisttisdoallá investeremiid ja guovllu ovddideapmái dárkkuhuvvon fidnuid čuovvovaš viđa jagi áigge.

Lenta-neahttaaviissas Vladimir Potanin muitalage, ahte plánain lea maid ollašuhttit bargiid skuvlenprográmma.

– Moai soabaime Andrey Chibisiin, ahte guovlu veahkeha maid bargiid bálkáheames eará fitnodagaide.

Andrey Vladimirovich lasiha Lentas, ahte Nihkkela guovllus Pechengas leat ollu ođđa fitnodagat ja nuorra fitnodatdoallit, main leat buorit ideat, maid gánniha doarjut ja ovddidit.

Kuverneavra čilge, ahte doarjumiin ođđa fitnodagaid ja doibmiid áigot nuppástuhttit Nihkkela guovllu nu, ahte dat geasuhivčče olgoriikka turisttaid.

– Guovllus leat fiinna nuppi máilmmisoađi áigásaš historjjálaš ráhkadusat ja čáppa luondu.

– Dát lea min ulbmil. Dainna vugiin, mii rievdati Nihkkela, kuverneavra Andrey Vladimirovich dadjá.

Varrasamosat: Sápmi

Váldoođđasat

Varrasamosat

Muualla Yle.fi:ssä