Koe uusi yle.fi
Sápmi |

Boazobiellu váruhusaid oažžu dál jierbmetelefonii

Gaskavahku rájes buohkain lea vejolaš luđet Boazobiellu-aplikašuvnna telefonii. Dat varuha bohccuin johtolagas.

Porokello
Boazobiellu-váruhanortnet váruha bohccuin johtolagas. Govva: Anneli Lappalainen / Yle

Gaskavahku 13.9. lea almmustuvvan Boazobiellu-mobiilaaplikašuvnna (su. Porokello-sovellus), man sáhttá otná rájes luđet nuvttá iOs ja Android telefovnnaide. Aplikašuvdna almmuha jienain ja ivnniin, go fuomáša bohccuid.

Bálvalusa vuođđun leat reálaáigásaš boazováruhusat, maid bálvalussii buvttadit boazodoalloguovllus johtti ámmátbiilavuoddjit. Lappi EJB-guovddáš lea rekryteren ámmátbiilavuoddjiid varuhandoibmii geassemánu 2016 rájes. Oktiibuot váruheaddjit leat badjel 1800 ja sin almmuhemiid vuođul beaivvis leat 50 - 1500 boazozváruhusa.

Ulbmilin geahpedit boazolihkohisvuođaid johtolagas

Boazobiellu-ortnega adnui váldima maŋŋá boazolihkohisvuođat johtolagas leat geahpánan jo jagi 2016 bealde. Diibmá dáhpáhuvve 3470 boazolihkohisvuođa, mii lea 838 lihkohisvuođa unnit go ovddit jagi (4308 kolaria). Ulbmilin lea johtolatdorvvolašvuođa buorideapmi ja lihkohisvuođaid geahpedeapmi beallái jagi 2020 rádjái.

Boazobiellu lea Lappi EJB-guovddáža hálddašan dutkan- ja ovddidanprošeakta, mas mobiilateknologia atnet ávkin boazováruhusbálvalusas. Ortnega ovddidemiin leat bargan dan lassin vel Johtolatdoaimmahat, Bálgosiid ovttastus, Paikkatieto Online Oy ja V-Traffic Mediamobile.

Varrasamosat: Sápmi

Váldoođđasat

Bivnnuhamosat

Varrasamosat

Muualla Yle.fi:ssä