Sápmi |

Boazodoarjagat leat dál vuosttaš háve ohcanláhkái elektronalaččat

Boazodoarjaga sáhttá dál vuosttaš háve ohcat eanadolliid neahttabálvalus Vipu bokte.

poroerotus
Boazodoarjja ovtta ealli bohccos lea dánge jagi 28,50 euro. Govva: Vesa Toppari / Yle

Boazodoarjaga ohcanáigi lea dál jođus. Ohcanáigi lea 10.8.–1.9.2020.

Boazodoarjaga sáhttá dál vuosttaš háve ohcat elektronalaččat eanadolliid neahttabálvalus Vipu bokte ovdamearkka dihte telefovnnain. Biebmodoaimmahat lea dahkan maiddái video, mas rávvejit boazodoarjaga ohcamii Vipu-bálvalusas. Video beasat geahččat dáppe.

Biebmodoaimmahaga vuogádatáššedovdi Eero Filppula árvalii čakčat 2019, ahte interneahta bokte doarjagiid ohcan jođálmahttá máksima mottiin vahkuin.

Jos ohcamuša ii hálit dahkat neahta bokte, dan lea ain vejolaš dahkat maiddái báhpára ja poastta bokte. Boazodoarjaga ohcat ohcanskoviin nummir 227. Ohcanskovvi ja boazodoarjaga boađusrehketskovvi gávdnojit Biebmodoaimmahaga neahttasiidduin.

Boazodoarjja ovtta ealli bohccos lea dánge jagi 28,50 euro.

Eanet dieđu boazodoarjaga ohcamis gávnnat EBI-guovddáža neahttasiiddus.

Varrasamosat: Sápmi

Váldoođđasat

Varrasamosat

Muualla Yle.fi:ssä