Sápmi |

Boazoparlameanttas bálkkašedje boazodolliid – Näkkäläjärvii Suoma Vilges Ruvsso vuosttas luohká medálja golleruossaiguin

Roavvenjárggas ordnejuvvon boazoparlameanttas bálkkašuvvojedje ánsu- ja gudnemearkkain boazodolliid.

ánsomearkkaid ja medáljjaid oažžut
Boazoparlameantta ánso- ja gudnemearkkaid oažžut Govva: Vesa Toppari / Yle

Duorastaga ordnejuvvon 70. Boazoparlameantta oktavuođas leat fas juohkán ánso- ja gudnemearkkaid. Maiddái sámi boazodoallit ožžo gudni.

Suoma Dásseválddi Presideanta lea mieđihan Suoma Ledjona ánsoruossaid:

– Juha Paasovaara, Hossa-Irni bálgosis

– Timo Ruokamo, Timisjärvi bálgosis.

Suoma Vilges Ruvsso vuosttas luohká medálja golleruossaiguin ožžot:

– Seppo Koivisto, Palojärvi bálgosis,

– Jarmo Kynkäänniemi, Kollaja bálgosis

– Jouni Näkkäläjärvi, Sállevári bálgosis

Dasa lassin Bálgosiid ovttastupmi mieđihii ánsomearkkaid čuovvovaš olbmuide:

– Ilpo Haataja, Akanlahti bálgosis

– Rauno Lankila, Syväjärvi bálgosis

– Erkki Pehkonen, Jääskö bálgosis

– Taisto Ristimella Muonio bálgosis

– Nils-Juhán Sara, Sállevári bálgosis

– Osmo Seurujärvi, Muttošjávrri bálgosis

– Ahti Lahtela, Giemajávrris

– Seija Riissanen, Neakkela bálgosis

– Lea Tervonen, Gápmasis (Kutuharju boazodutkangárdi)

– Sauli Laaksonen, Guossámis (šibitdoavttir)

– Antti Oksanen, Oulus (Evira)

Anárlaš Jouni Näkkäläjärvii Suoma Vilges Ruvsso vuosttas luohká medálja golleruossaiguin

Okta sápmelaš boazodoalliin, guhte oaččui gudnemedáljja, lea Iskku-Jovnna, Jouni Näkkäläjärvi Sállevári bálgosis, Anáris. Son válddii gudni mielas vuostá.

– Galhan dat suohtas dieđusge lea. Galhan dat álo mearkkašupmi lea go medáljja oažžu, dadjá Näkkäläjärvi.

boazodoalli Jouni Näkkäläjärvi
Iskku-Jovnna, Jouni Näkkäläjärvi Anára Leammis lea olles eallinagi bargan boazobargguid Govva: Vesa Toppari / Yle

Varrasamosat: Sápmi

Váldoođđasat

Varrasamosat

Muualla Yle.fi:ssä