Sápmi |

Bohccobiergohaddi bissu ovddežis Suoma bealde – ođđa biergooasti álggaha

Sámi bálgosiid boazoisidat goit muitalit, ahte dán čavčča stuorra biergooastit leat figgan fállat bohccobierggus vehá uhcit kilohatti go diibmá.

Bohccot.
Badjeolbmot leat oažžumin bohccobierggus sullii seamma hatti go čakčat 2018. Govva: Anneli Lappalainen / Yle

Bohccobiergohaddi bissu Suoma bealde sullii ovddeš dásis dán čavčča.

Haddi oktan vearuiguin molsašuddá vehá váile logi euros gitta 10,5 euroi dahje vehá badjelge dan.

Bálgosiid ovttastusa doaimmajođiheaddji Anne Ollila muitala, ahte bohccobiergogávppiin eai leat nu stuorra molsašuddamat diimmáža ektui. Sámi bálgosiid boazoisidat bealisteaset namuhit, ahte dán čavčča stuorra biergooastit leat figgan fállat bohccobierggus vehá uhcit kilohatti go diibmá.

Sámeguovllus vuovdinbigálusat leat álgán goit muhtin Anára, Ohcejoga ja Soađegili bálgosiin. Eanodaga bealde vuovdinbigálusat álget skábmamánus.

Ođđa biergooasti márkaniidda

Suoma bohccobiergomárkaniidda lea boahtimin okta ođđa biergofitnodatdoalli. Duolljegávppis dovddus Pokka Reindeer Hides álgá oastit maiddái bohccobierggu.

Biergogávppi árvalit álgit skábmamánu rájes. Harri Pokka Pokka Reindeer Hides -fitnodagas dadjá, ahte dán bajis fitnodat oastá muhtin veardde bohccuid, muhto stuorit meriid fitnodat nákce oastigoahtit easkka boahtte jagi.

Eará stuorit fitnodagat bohccobiergomárkaniin leat Polarica vuollásaš Wildea, Kotivara, Veljekset Rönkä Os. ja ruoŧŧelaš W Eliassons Partiaffär AB.

Varrasamosat: Sápmi

Váldoođđasat

Varrasamosat

Muualla Yle.fi:ssä