Sápmi |

Bohccuide dárkkuhuvvon šleđggoncirggaldas galgá eastadit johtolatvahágiid

Bálgosiid ovttastusas njeallje bargi leat geahččaleame guovtti sierralágan šleđggoncirggaldasa iežaset bohccuide. Šleđggonávnnas galgá eastadit johtolatvahágiid, main bohccot leat mielde, go biilavuoddjit galget oaidnit bohccuid buorebut.

Boazu man čorvvide leat cirgon šleđggonávdasa
Boazu man čorvvide lea cirgguhuvvon šleđggonávdnasa. Govva: Anne Ollila / BO

Bálgosiid ovttastus lea dál geahččaleame šleđggoncirggaldasa bohccuide.

Sii leat cirgguhan ávdnasa bohcco guolggaide ja čorvviide, ja dál sii čuvvot mot ávnnas gierdá sierralágan dálkkiid ja bissugo ávnnas buorebut čoarvvis vai guolggas.

- Ulbmilin lea eastadit johtolatvahágiid, jos bohccot oidnojit buorebut biilavuoddjiide, muitala Bálgosiid ovttastusa doaimmajođiheaddji Anne Ollila.

Sii galget boahtte čavčča bigálusaid oktavuođas cirgguhit sleđggonávdnasa bohccuide dihto dutkanguovllus.

Varrasamosat: Sápmi

Váldoođđasat

Varrasamosat

Muualla Yle.fi:ssä