Sápmi |

Boles bivdá dieđuid jávkan lappilaš nuoras

16-jahkásaš Ossi Alatalo lea leamašan jávkosis mannan vahku álggu rájes.

Ossi Alatalo
Ossi Alatalo. Govva: Poliisi

Lappi boles bivdá olbmuid almmuhit vejolaš dieđuideaset Ossi Alatalos. Bolesa mielde Alatalo lea sulaid 165 sentte guhkki ja seaggi, ja sus leat ruškes čalmmit ja oanehis vuovttat. Sus lea dávjá oaivvis stuorra gaibagahpir ja suorpmain máŋggat suorbmasat.

Alatalo johtá vejolaččat Roavvenjárgga, Soađegili dahje Duottar-Lappi guovlluin. Son ii leat máhccan iežas orrunsadjái 27.7. maŋŋá.

Boles bivdá almmuhit buot dieđuid njuolga heahteguovddážii nummárii 112.

Varrasamosat: Sápmi

Váldoođđasat

Varrasamosat

Muualla Yle.fi:ssä