Sápmi |

Boles dutká Gámasmohke guovllus gávdnon jápmán bohccuid: jáhkket, ahte daid leat goddán vaháguhttima namas

Boles oaččui dieđu jápmán bohccuin sotnabeaivve. 

Poliisitunnus hihamerkkinä.
Boles lea dutkamin ášši iige dieđit áššis eanet. Govva: Kristiina Lehto / Yle

Lappi boles lea dutkamin Ohcejogas Gámasmohke guovllus gávdnon jápmán bohccuid. Nu čállá boles neahttasiiddustis.

Boles oaččui dieđu jápmán bohccuin sotnabeaivve.

Boles ja rádjegozáhus leat fitnan báikkis, gos bohcco ráppit leat gávdnon ja jáhkket, ahte bohccuid leat goddán vaháguhttima namas. Bohccuid krohpaid ledje gieđahallan garra gieđaiguin ja daid ledje guođđán meahccái.

Seammasullasaš ealáhusa vahágahttima namas dahkkon dáhpáhusat leamašan maiddái Oarje-Lappis čakčamánus ja geassit.

Boles fidnii vuossárgga almmuhusa maiddái Ohcejoga guovllus gávdnon jápmán ealggas, mii lei báhččon. Boles navdá dan goddon ragatáiggis.

Boles lea dutkamin áššiid iige dieđit áššis eanet.

Yle Ođđasiid Sámis ja Beaivvi ságaid sáhtát maid guldalit Yle Areenas.

Varrasamosat: Sápmi

Váldoođđasat

Varrasamosat

Muualla Yle.fi:ssä