Sápmi |

Boles ohcá fas measta 15 jagi dassái jávkan avvillaš Antti Hanhivaara Áŋŋel guovllus

Boles nannii Yle Sápmái, ahte dán vahkkus leat joatkán measta 15 jagi dassái jávkan Antti Hanhivaara ohcamiid. Hanhivaara jávkkai golggotmánus 2006. Dán háve ohcamiin leat mielde maid beatnagat.

Antti Hanhivaara
Avvillaš Antti Hanhivaara oidne maŋimuš háve golggotmánus 2006, go son lei vázzime Áŋŋel gilis máttaviestara guvlui. Govva: Elina Tuiskala

Anára gielddas Áŋŋela gilážis ohcet jagis 2006 jávkan Avvillaš Antti Hanhivaara. Boles nannii Yle Sápmái, ahte sii leat dán vahkkus joatkán Hanhivaara ohcamiid. Ohcamiid álggahit jávkanbáikkis mas de jotket ovddos guvlui. Ohcamat bistet moadde beaivve ja dain leat mielde maid beatnagat.

Boles lea ožžon muhtin ođđa cavgilemiid maid dutket ja veardidit boares cavgilemiide. Boles váldá ain vuostá ođđa cavgilemiid ja áicamiid.

Avvillaš Antti Hanhivaara jávkkai measta 15 jagi dassái golggotmánus. Su oidne maŋimus háve 14.10.2006 diibmu 8.00. Dalle su oidne vázzime Áŋŋel gilis máttaviestara guvlui.

Jagiid áigge Hanhivaara leat ohcan máŋgii, muhto bohtosiid haga.

Cavgilemiid ja áicamiid sáhttá almmuhit boleslágádussii dahje njuolga Lappi boleslágádussii.

Varrasamosat: Sápmi

Váldoođđasat

Varrasamosat

Muualla Yle.fi:ssä