Sápmi |

Bolesat fallehan miellačájeheddjiid leirii Standing Rockas – 76 olbmo váldon gitta

USAs Davvi-Dakotas, Standing Rockas leat váldan gitta 76 olbmo geat leat nu gohččoduvvon čáhcevárjaleaddjit.

Standing Rock
Govva: Felicia N Trujillo / Standing Rock Protestors -Facebook siiddu

USA:s Davvi-Dakotas, Standing Rockas ráfálaš miellačájáhus joatkašuvvá ain Dakota Access Pipeline -oljobohcci huksema vuostá.

Dál báikki alde bolesat leat fallehan ovtta miellačájeheddjiid leirii ja bivdán sin burgit dan. 76 olbmo leat váldon giddagassii dáhpáhusaid oktavuođas, áššis muitala Standing Rock Rising -facebooksiidduinis.

Presideantta Donald Trump attii lobi joatkit oljobohcci huksema

Mannán vahkkus USA ođđa presideantta Donald Trump attii lobi joatkit oljobohcci huksema. Trump vuolláičálii 24. guovvamánu ásahusa, mas gáibidit ahte oljobohcciin geavahuvvo ruovttueatnamis dahkkon stálli, muhto ásahusas ii muitaluvvo mo mearrádusa áigot gohccit.

Dakotan öljyputken reitti
Govva: Yle Uutisgrafiikka

Keystone XL ja Dakota Acces –bohcciid bokte lea dárkkuhus buktit oljju Kanadas USAi Meksikoluovtta gáddái, gos olju ovddosdikšojuvvo.

Juovlamánus 2016 USA ovddeš presideantta Barack Obama gaskaboddosaččat bissehii huksemat.

Varrasamosat: Sápmi

Váldoođđasat

Varrasamosat

Muualla Yle.fi:ssä