Sápmi |

Britta Marakatt-Labba dáidda oidnosii Helssegis ja Quebecis

Kohta-dáiddahálla bidjá sámedáidaga stuorrát oidnosii Helssegis gitta njukčamánu beallemuttu rádjai.

Guldal Britta Marakatt-Labba jearahallama dás. Jietna: Yle Areena

Dáiddár Britta Marakatt-Labba lea okta dain sámedáiddáriin, gean čájáhusaide lea dál erenoamáš olu jearalmas máilmmis.

Marakatta-Labba dáidaga beassá oaidnit dál maiddái Suomas, go son rahpá ođđa Historian kirjonta -dáiddačájáhusa gaskavahku ođđajagimánu 30. beaivve Kohta-dáiddahállas. Čájáhus doallá sisttis su dáidaga jagi 1968 rájes.

– Lea oba somá vuolgit Helssegii, dannego mus ii leamaš doppe dakkár sierra čájáhus. Dás šaddá stuorra čájáhus, mun bijan dohko máŋggalagan dujiid, das leat girkotekstiillat ja munhan lean ollu hábmen maid teáhterbiktasiid, Marakatt-Labba muitala.

"Historian kirjonta" lea oaidninláhkai Kohtas 31.1.–17.3.2019.

Britta Marakatt-Labba, Mátki (1985)
Britta Marakatt-Labba "Mátki" (1985) lea oaidninláhkai Historian kirjonta -dáiddačájáhusas Helssegis. Govva: RiddoDuottarMuseat, Kaarasjoki / Emil Nilsson

Britta Marakatt Labba lea maid evttohassan fidnet Dagens Nyheter -aviissa dán jagáš kulturbálkkašumi. Son muitala iežas leat mannamin čájáhusainis maid Kanádai dán giđđadálvve. Su dáidda lea oassin Quebec City Biennale -váldočájáhusas.

Britta Marakatt Labba lea riegádan Ađavuomis ja ássá Bajit Sohpparis. Son lea riegádan jagis 1951.

Varrasamosat: Sápmi

Váldoođđasat

Varrasamosat

Muualla Yle.fi:ssä