Sápmi |

Buohkat eai čohkká juohke sotnabeaivve girkus – girkostallamiid ferte ordnet sierralágan báikkiin vai girku fáhte olbmuid

Eandaliige meahcis ordnejuvvon girkostallamat beroštahttet.

Anu Toivonen saarnaa luontokirkossa Ylläksen Pakasaivossa.
Čuohtenár olbmo guldalit go turistabáhppa Anu Toivonen sárdnida sidjiide jávregáttis. Govva: Kaija Länsman / Yle

Máŋga busse vudjet roggás meahccegeainnu. Logi kilomehtera guhkkosaš meahccegeainnu geažis lea vuordimen juoga, maid rušketuristtat háliidit vásihit.

Čáppa duovdaga lassin sii háliidit gullat Ipmila sáni. Ylläs čuoiganguovddáža láhka, Pakasaivos ordnejit máŋggaid girkostallamiid olgun.

Hämeenlinnalaš Päivi Kivelä háliidii fas ođđasit vásihit dán luondugirku.

– Leat ovdalge dáppe fitnan ja buorit muittut báhce. Čáppa báikihan vel lea girkostallat, dadjá Kivelä.

Hämeenlinnalaiset Kaija Kokko ja Päivi Kivelä osallistuivat Pakasaivon luontokirkkoon.
Kaija Kokko ja Päivi Kivelä fitnaba muđuige dávjá girkus. Pakasaivo ipmilbálvalus geasuhii maiddái čáppa báikki dihte. Govva: Kaija Länsman / Yle

Duottar-Lappi turistabáhppa Anu Toivonen lea hárjánan deaivat olbmuid girkosále olggobealde. Dán vahkus son lea náitán ovtta bára jávregáttis. Son doaibmá njealji gieldda turistabáhppan, namalassii Eanodaga, Muoná, Gihttela ja Kolari searvegottiin.

Dáid Pakasaivo luondugirkuin dego sii dáid ipmilbálvalusaid gohčodit, dáin galledit eanaš eallilan olbmot. Ruškki áigge gal eai nuorat dihtto dáppe.

– Rušketuristtat leat sii, geat leat jo ealáhagas. Eará jagiáiggiin luondugirkuin lea mielde nuorat buolvage.

Anu Toivonen on Tunturi-Lapin turistipappi.
“Son balvvaid, dálkkiid ráđđe ja báruid doažžuda”, veaisida turistabáhppa Anu Toivonen Pakasaivo luondugirkus. Govva: Kaija Länsman / Yle

Logi jagi áigge Suomas leat earránan girkus olu olbmot. Dál šat s. 70% suopmelaččain gullet girkui. Danin girku ferte ráhčat, ahte fáhte olbmuid. Okta vuohki leat luonddus ordnejuvvon Ipmilbálvalusat, dadjá earkebismá Tapio Luoma.

– Suomas leat háliidan girkostallagoahtit earáge báikkiin go girkuin. Leat jurddašan, ahte mannat dohko gos olbmot leat.

Luondugirkut, dahje girkostallamat vaikko gávppašanguovddážiin sáhttet fáhtet sin, geat eai čohkká juohke sotnabeaivve girkosáles.

– Dákkár earálágan girkostallamat geasuhit, varra danin go eai leat dábálaš girkus. Dakkár ipmilbálvalusaide lea dárbu, mat leat eará sajis go girkus, dadjá Luoma.

Earkebisma Tapio Luoma galledii Ohcejogas ođđa davvisámegielat Biibbaljorgalusa ávvumeassus.
Lea dehálaš, ahte girku doaibmá doppe gos olbmot leat, dadjá earkebisma Tapio Luoma. Govva: Vesa Toppari / Yle

Luonddus girkostallamat beroštahttet olbmuid, goit Hämeenlinnalaš Kaija Kokko.

– Liikon dákkár luondugirkuin. Jus Hämeenlinna birrasis ordnejit dákkáriid, de lean fitnan dain. Hämeenlinnas ordnejit goas nu meahccegirkostallamiid ovdamearka dihte Evo vánddardanguovllus.

Čuovvovaš Ipmilbálvalus ordnejuvvo Pakasaivos 18.9. diibmu 13.

Maiddái Ohcejogas ordnejit sotnabeaivve 15.9. meassu, man oktavuođas vánddardit searvegoddedálus Ohcejoga girkui.

Varrasamosat: Sápmi

Váldoođđasat

Varrasamosat

Muualla Yle.fi:ssä