Sápmi |

Cealkámuš: Sápmelaččat galget beassat ieža jođihit soabadallankommišuvnna

50 sápmelačča leat vuolláičállán cealkámuša, mas gáibidit, ahte Suoma stáhta ja sámiid duohtavuođa- ja soabadallanproseassa galgá vástidit sápmelaččaid dárbbuide.

Jietna: Jovnna Jon Ánne Kirstte Rávdná, Rauna Kuokkanen
Jietna
Jovnna Jon Ánne Kirstte Rávdná, Rauna Kuokkanen muitalii davviriikkalaš Buorre iđit Sápmi -sáddagis duohtavuođa- ja soabadallankommišuvnna birra dahkkon cealkámušas. Govva: Marko Junttila

Sámi álbmotbeaivve almmustahttojuvvui soabadallan- ja duohtavuođakommišuvnna birra cealkámuš, man 50 sápmelačča leat vuolláičállán. Dán cealkámušas gáibiduvvo, ahte ovdal go soabadallan- ja duohtavuođaproseassa álggahuvvo, stáhta galgá dovddastit, ahte dat lea soardán sámiid, ja áššis galggašii maid almmolaččat ságastallat.

– Mii hálidat komišuvnna, mii doaibmá ja vástida sámiid dárbbuide ja dan ulbmiliid sámit leat ieža bidjan. Das ii sáhte šaddat teáhter, mainna figgat ovdamearkka dihtii buoridit stáhta imago sámeáššiin dahje mainna sollet ja dájuhit sámiid bargat dan maid stáhta hálida, dadjá Jovnna Jon Ánne Kirstte Rávdná, Rauna Kuokkanen.

Cealkámuša vuolláičálliid mielas dat galget leat sápmelaččat ieža, geat kommišuvnna jođihit, ja komissárat galget leat árvvus atnon sorjjasmeahttun sápmelaččat. Sii čuoččuhit, ahte eai vuolgge prosessii fárrui, jos stáhta ii sihkkaraste dan, ahte kommišuvdna ja dan bargu ollašuhttojuvvo nu mo sii gáibidit.

Cealkámušas maid buktojuvvo ovdan, ahte soabadallan- ja duohtavuođakommišuvnna bušeahtta galgá leat dárkilit plánejuvvon ja dat galgá leat doarvái stuoris kommišuvnna barggu ja mihttomeriid ollašuhttimii.

Rauna Kuokkanen muitalii cealkámuša birra 7.2.2018 davviriikkalaš Buorre iđit Sápmi -sáddagis. Su jearahallama sáhttá guldalit maiddái Yle Areenas.

Varrasamosat: Sápmi

Váldoođđasat

Bivnnuhamosat

Varrasamosat

Muualla Yle.fi:ssä