Sápmi |

CNN: Anárjávri lea okta Eurohpa čábbásamos guovlluin

Anárjávri rámiduvvo birrajagi paradiisan náhpebire bajábealde.

Ukonkivi, Inarijärvi
Anárjávrri Äijjihsuolu geasuha valjis turistaid birra jagi. Govva: Jorma Reijonen, Sodankylä

Anárjávri lea okta Eurohpa čábbásamos báikkiin, oaivvilda TV-ođaskanála CNN. Kanála lea listen Eurohpa 20 čábbásamos guovllu.

Anárjávri máinnašuvvo listtus vuosttas sajis. Anárjávri rámiduvvo birrajagi paradiisan náhpebire bajábealde. Sevdnjes dálvvit, vejolašvuohta oaidnit guovssahasaid, ruškki áigi ja geasseijat adnojuvvojit erenomážin.

CNN ovdanbuktá maiddái Anára rolla sámekultuvrra guovddážin. Kanála mielde dát sámekulturguovddáš lea nu boaittobealde go sáhttá ja nu árbevirolaš guovlu go Suomas buoremus dilis sáhttá leat.

Čáppa guovlluid listtus leat maid earret eará Vättern-jávri Ruoŧas, Lofohtat Norggas, ja báikkit Skotlánddas, Greikkas, ja Nuorta-Eŋlánddas. Logi sisa čáhket vel ovdamearkka dihte Loire-johkaleahki Frankriikkas, Henne-gáddi Dánmárkkus ja Bayerischer Wald -álbmotvuovdi Duiskkas.

Varrasamosat: Sápmi

Váldoođđasat

Varrasamosat

Muualla Yle.fi:ssä