Koe uusi yle.fi
Sápmi |

Čohkkii listtu Ohcejoga lagašguovllu juovlamárkaniin

Ohcejohkalaš Eila Laiti čohkkii kaleandara Ohcejoga ja lagašguovllu juovlamárkaniin, vai ordnejeaddjit dieđášedje daid beivviid eaige dat šattaše badjelágaid.

Eila Laiti
Govva: Privahtta

Ohcejohkalaš Eila Laiti lea čohkken kaleandara Ohcejoga ja lagašguovllu juovlamárkaniin. Su mielas lea dehálaš ahte diehtu johtá.

Dalle go su máná guovttos leigga skuvlavázzit, lávii Laiti aktiivvalaččat bargat skuvllalaččaid vuovdimiin ja ruhtačoagginhommáin.

– De lávejit deaivat badjelágaid juovlamárkanat Anáris, Ohcejogas, Kárášjogas, Buolbmágis. De mun bidjen Facebookii, vehá čohkkejin dan maid dál dieđán, ahte olbmot dieđášedje gos lea mii, ja de dat geat ordnejit, dieđášedje ja ii šatta badjelágaid.

Dán jagi ovdamearkka dihte leat Ohcejogas ja Buolbmágis oktanaga juovlamárkanat.

– Muđuige mii leat uhcán, de eat juolo buot márkaniidda.

Márkanat dehálaš deaivvadanbáiki

Eila Laiti lea dán jagi mielde ordnemin Ohcejoga Aspa-ruovttu juovlamárkaniid.

– Mis doppe leat dálu bargit ja dálu ássit fárus, ja de vel mii eaktodáhtolaš bargit. Mii goarrut dál ovddalgihtii, maid nu duddjot ja juovlačiŋaid ráhkadit ja láibut.

Juovlamárkaniin lea Laiti mielas somá oaidnit olbmuid, čohkkát ja gáfestallat.

– Doppe ii láve leat hoahppu, jos manná nu ahte astá leat. Dathan dat lea hui dehálaš maiddái.

Juovlamárkaniin Eila Laiti láve oastit vurbbiid, herskuid ja juovlaskeaŋkkaid. Jos deaivá dilli, son fitná maiddái Anára márkaniin, ja liiko erenoamážit duodjemárkaniidda.

– Go beasan geahččat maid earát leat duddjon, ja vehá geahččat málle, bohkosa Laiti.

Listu dievastamahttojuvvon 13.11.2017 dii 6:51.

Varrasamosat: Sápmi

Váldoođđasat

Bivnnuhamosat

Varrasamosat

Muualla Yle.fi:ssä