Sápmi |

”Čoođâčoolmâg” lii Unna Junná uđđâ ohjelmráiđu

Vuossâmuš uási ”Čoođâčoolmâg” -rááiđust puátá vuossaargâ 7.5. tijme 8:34 Yle TV2 –kanavast. Rááiđust anarâškielâliih párnááh muštâleh mielâmield puđâldâsâin.

Hilda Niemelä
Hildá Niemelä já suu enni Elisa Ylinampa uággumin Olkkajäävrist Ruávinjaargâst. Govva: Heli Huovinen/ Yle

Loppâkiiđâ Yle Säämi párnái televisio-ohjelm Unna Junná čáittá uđđâ rááiđu, mon nommâ lii ”Čoođâčoolmâg”. Čoođâčoolmâg meerhâš tom, ko mottoom äšši lii uáli jo mielâsâš. Vuosmuu ohjelmist Hildá Niemelä lii uággumin Olkkajäävrist.

Kiiđâ mieldi keččeeh peesih párnáiguin ovdâmerkkân piemmâđ poccuid já sierâdiđ čäcikrossi. Ráiđu lii kovvejum Anarist, Avelist já Ruávinjaargâst.

Jovnâ Ante Angeli
Jovnâ-Ante Angeli piämmá poccuid äijih kulen. Govva: Heli Huovinen/ Yle

Uđđâ animaatioh kiđđuv

Unna Junná kiđđâpuddâ juátkoo vyesimáánu loopâ räi. "Čoođâčoolmâg" lasseen ohjelmist čäittih párnái ráhtám gallupijd, Säämi máttááttâskuávdáá mediauáppei ráhtám animaatioid já Säppli fiäránijd.

Unna Junná puátá jyehi vuossaargâ tijme 8:34 Yle TV2 –kanavast, já uđđâsist pasepeeivi Yle Fem –kanavast tijme 8:15. Yle Säämi párnáiohjelmeh kávnojeh meiddei Yle Areenast.

Varrasamosat: Sápmi

Váldoođđasat

Varrasamosat