Sápmi |

Dá lea davvisámegielat Jikŋon-filmma guhkit filbmaseakti

Jikŋon II -filmma guhkit filbmaseakti dahjege virggálaš trailer lea dál almmustahtton.

Jikŋon 2 - Frozen 2
Elsa, Anna ja Kristoff ustibiiddisguin vulget Jikŋon II -filmmas erenoamáš mátkái davás. Govva: Disney

Disney lea almmustahttán davvisámegielat Jikŋon II -filmma guhkit filbmaseavtti.

Mannan vahkus muitaledje davvisámegielat Jikŋon-filmma jietnaneavttáriid ja dan oktavuođas adde olggos vuosttaš smáhkkabihtáža filmmas. Dat illudahtii máŋgasiid, muhto bohciidahtii maiddái moaitagiid filmma gielas.

Dál sáhtát geahččat ja gullat lasi das, makkár lea davvisámegillii dubbejuvvon Jikŋon II -filbma.

Geahča Jikŋon II -filbmaseavtti dás. Video: Disney

Jikŋon II lea vuosttas davvisámegillii dubbejuvvon Disney-filbma. Filmma sámegiel veršuvdna lea Sámi Parlamentáralaš Ráđi, Sámiráđi ja Walt Disney Animation Studios ovttasbarggu boađus. Filmma dahkkit leat ráđđádallan sámi verddejoavkkuin áššiin, maidda Disney filbmadahkkit leat viežžan inspirašuvnna Sámis.

Ná Disney muitala filmmas davvisámegillii:

"Manne riegádii Elsa erenoamáš fámuiguin? Vástádus čuorvu sutnje ja áitá su gonagasválddi. Fárrolaga Annain, Kristoffain, Olafiin ja Sveniin vuolgá Elsa várálaš, muhto erenoamáš mátkái. Jikŋon-filmmas balai Elsa, ahte son lea beare fámolaš dán máilbmái. Jikŋon 2 -filmmas šaddá sávvat, ahte son lea doarvái fámolaš."

Filmma davviriikkalaš vuosttaseahket lea juovlabeaivve 25.12. Muhtin báikkiin dat lea maiddái ovdačájáhusas lávvardaga 14.12.

Varrasamosat: Sápmi

Váldoođđasat

Varrasamosat

Muualla Yle.fi:ssä