Sápmi |

Dá leat sámeguovllu čavčča 2020 ođđa studeanttat

Yle almmustahttá odne duorastaga čavčča 2020 ođđa studeanttaid namaid skuvllaid addin dieđuid vuođul.

Ylioppilaslakki
Sámeguovllu logahagain vilges gahpira ožžot goittot logi studeantta. Govva: Linda Tammela / Yle

Studeantadutkkuslávdegoddi lea odne duorastaga sádden Suoma logahagaide dieđu das, geat dán čavčča válmmaštuvvet logahagas ja šaddet studeantan.

Suomas nu gohčoduvvon vilges gahpira ožžot studeanttat, geat leat vázzán logahaga ja čađahan studeantaiskosa. Studeantaiskosat lágiduvvojit guktii jagis, giđđat ja čakčat.

Yle lea čohkken studeanttaid namaid studeantamášenii skuvllaid addin dieđuid vuođul.

Avvila logahagas vilges gahpira oažžuba guokte studeantta, Samuel Ray Rodgers ja Joel Samuel Angeli.

Soađegili logahaga čavčča studeanttat leat Sabina Jefremoff, Pinja Korpikoski, Miia Korva, Saana-Maria Lahdenperä, Venla Martin, Laura Siirtola, Lotta Tervo, Emilia Venäläinen.

Ohcejoga sámelogahagas ii leat vel diehtu ođđa studeanttain.

Eanodaga duottarlogahagas eai leat dán čavčča ođđa studeanttat.

Spiehkastatdilli váikkuhii studeantaiskosiid ordnemiidda

Čavčča studeantaiskosat ordnejuvvojedje nu, ahte guokte reálaiskkosbeaivvi juhkkojuvvojedje njealji iskkusbeaivái ja guhkes vieris giela iskkusbeaivi juhkkojuvvui guovtti beaivái.

Ná iskosiid lei vejolaš ordnet logahagain unnit joavkkuin ja guhkit gaskkain. Oahppis lei vejolašvuohta almmuhit iežas čađahit dakkár iskosiid, mat livčče muđui álggus leamašan seamma dutkkusbeaivve. Rievdadusat veahkehedje erenoamážit daid oahppiid dili, geaid dutkkusplánat rivde giđđat buohccáma, áraduvvon iskkosbeivviid dahje eará siva geažil.

Dievasmahttojuvvon 24.11.2020 diibmu 14.15 Joel Samuel Angeli namma Avvila logahagas.

Varrasamosat: Sápmi

Váldoođđasat

Varrasamosat

Muualla Yle.fi:ssä