Sápmi |

Dáiddár Outi Pieski ohcá vehkiid dáiddaprošektii

Dáiddár Outi Pieski dárbbaša badjelmearalaš gieđaid riessamiid riessumis. Son lea ráhkadeamen dáiddaduoji Nordic Matter -dáhpáhussii Londonii.

Outi Pieski
Govva: Outi Pieski

Sámedáiddár Outi Pieski ohcá vehkiid riessut iežas dáiddaduodjái. Bargui gullá riessut dáiddaduojiosiid. Son lea ráhkadeamen dan Londonii Nordic Matters -dáhpáhussii, mii álgá ođđajagimánus.

Outi Pieski dáiddaduodji
Outi Pieski ráhkadan riessandáidda Kárásjogas , Norgga Sámedikkis. Govva: Outi Pieski

– Southbank Centre lea diŋgon mus dan stuorra installašuvdna, mii galgá leat doppe olles jagi 2017. Go áigetávval lea nu čavga, de danin dárbbašan veahki ollašuhtit dan, lohká Pieski.

Bargu álggašii dalán ja bisttášii juovlamánu. Barggu lea vejolaš bargat eahkediid dahje moadde beaivve vahkus. Pieski sávvá, ahte veahkki gávdnošii Helssega lahkosiin, muhto lihkostuvvá maiddái poastta bokte sáddedallat materiálaid. Assisteanta ii dárbbaš leat albma duojár, muhto ferte máhttit riessut jođánit.

Jurdagin čálmmustahttit duodjeárbevieru

Dáiddár Outi Pieski muitala, ahte jurdagin lea maiddái čohkket govaid duojáriin ja vehkiin. Govaid bohtet čájehit installašuvnna oktavuođas Londonis.

– Hálidan čálmmustahtit ja addit árvvu olbmuide, geat duddjojit, man fiinna ja mearkašahtti árbevierru mis lea Sámis.

Lassedieđuid sáhttá jearrat ja almmuhemiid sáhttá sáddet čujuhussii outi(a)outipieski.com

Varrasamosat: Sápmi

Váldoođđasat

Varrasamosat

Muualla Yle.fi:ssä