Sápmi |

Dakota oljobohcci huksejuvvo dattetge

Amerihkás soahtevehkii gullevaš doaimmahat lea addán loahpalaš lobi bohcci huksemii. Fidnu gaskalduhttojuvvui Obama hálddahusa áigge guhkes dáistaleami maŋŋá, muhto dál presideanta Trump lea bidjan prošeavtta olles leavttuin johtui.

Yli 700 ihmistä kokoontui 7. joulukuuta 2016 vastustamaan öljy-putken rakentamista intiaanireservaatin vesilähteen alapuolelle Pohjois-Dakotassa.
Yli 700 ihmistä kokoontui 7. joulukuuta 2016 vastustamaan öljy-putken rakentamista intiaanireservaatin vesilähteen alapuolelle Pohjois-Dakotassa. Govva: Michael Nigro / AOP

Amerihkás, Davvi-Dakotas oljobohcci huksen joatkašuvvá Standing rock –indiánareserváhtas. Amerihká soahtevehkii gullevaš doaimmahat lea addán loahpalaš lobi bohcci huksemii.

Soahteveahka attii maŋŋebárgga mearrádusas, ja dat lei maŋimuš byrokrahtalaš árru bohccelinjá huksemii. USA soahteveaga mielde birasváikkuhusain lea juo doarvái diehtu, iige leat dárbu dutkat áššiid šat.

Presideanta Donald Trumpis lea leamaš hoahppu oažžut bohcci huksema fas johtui. Huksenbargguid áigut dálá dieđu mielde joatkit geassemánus.

Váivves diehtu álgoálbmogii

Dilli lea hui váttis guovllu álgoálbmogii. Sii leat guhká juo dáistalan oljobohcci huksema vuostá. Bohcci galgá huksejuvvot guovllu indiánareserváhta váldočáhcegáldu vuolil.

Ovdamearkka dihte Cheyenne River Sioux –čeardda ságadoalli lea addán almmolašvuhtii dál dieđáhusa, masa vuordá váldoálbmogis veahki ja áddejumi.

– Mii leat behtton, ahte Amerihká hálddahus lea beahttán min, muhto mii sávvat, ahte Amerihká olbmot eai, čállá ságadoalli dieđahusastis.

Varrasamosat: Sápmi

Váldoođđasat

Varrasamosat

Muualla Yle.fi:ssä